The Definitive Guide to Living in the Capital , Cairo , Egypt

Hercules

Hercules: الأكشن الإغريقي

  • أيان ماك شينجون هيرت...
  • إثارةحركة ومغامرات...
  • برت راتنربرت راتنر
تم التقييم بواسطة
Mohamed Hamdy
قيم
قيم الآن
Hercules: الأكشن الإغريقي

الأساطير الإغريقية، من أجمل الموضوعات اللى بـ نحب نشوفها فى الأفلام، أو نقرأها فى الكتب والروايات، عالم خالص من الخيال والمغامرة والأكشن اللى ممكن يطلع منها ألف قصة وقصة بدون أي مجهود يذكر، ومن هنا بـ ييجي دور هوليوود فى تحويل الأساطير لحقيقة على شاشة العرض، وده اللى شوفناه فى فيلم “هرقل”.

من أشهر الأساطير الإغريقية هرقل، ابن الإله زيوس ورحلاته الثمانية عشر الشهيرة، الفيلم بـ يحكي فى الفترة بعد عودة هرقل من رحلاته، وتحوله لمقاتل مرتزق للى يدفع أكثر، الجانب المظلم فى شخصية هرقل كانت من الأشياء المتميزة اللى ركز عليها المخرج برت راتنر، وهى من الأمور اللى ما تمش تناولها فى شخصية هرقل قبل كده، واللى كان بـ يتم التركيز عليه بوصفه إنسان بـ يحب الخير وبـ ينتصر للمظلوم، وحتى اللحظات اللى كنا بـ نشوف فيها هرقل بشكل شرير كانت بـ تكون غير متناسقة دراميًا، لكن المرة دى شوفناها متوظفة بشكل درامي مضبوط.

بـ تحصل تغيرات كثير فى شخصية هرقل مع استمرار أحداث الفيلم اللى مش عاوزين نحرقها أكثر من كده، وبـ يرجع هرقل من جديد لسابق مجده، من خلال صراعات كثيرة سواء مع البشر أو مع الكائنات الخرافية اللى شوفناها على مدار أحداث الفيلم، الكائنات اللى كان مستواها من حيث الجرافيك بـ يتراوح بين ممتاز فى بعض المشاهد، وضعيف فى مشاهد ثانية كثير! والتباين فى قوة وضعف مشاهد الجرافيك عمل لنا حيرة كبيرة.

يبدو أن تصنيف الفيلم كفيلم مغامرات، ومع بطولة دواين جونسون له، لم يتم الاهتمام بالموسيقى التصويرية بالشكل المطلوب، بقدر الاهتمام بمشاهد العضلات والصراع والضرب والمبارزات، المشاهد اللى تفوق فيها جونسون بشكل كبير وقدر من خلاله يرسخ اسمه وصورته كنجم أكشن معروف.

الديكورات نقلت لنا صورة جميلة للحياة فى العصر الإغريقي، لكنها كانت ضعيفة فى كثير من المشاهد واضطر التصوير أنه يكون محدود بكادرات صغيرة ومركزة على الأحداث، بدون استعراض للمشاهد الطبيعية أو الكادرات الواسعة، لكن كل الأمور دى ممكن نغفرها فى حالة فيلم زى هرقل مصنف كفيلم مغامرات وأكشن بالمقام الأول، لكن كان أمام المخرج برت راتنر فرصة أكبر للخروج من الحيز الضيق لفيلم المغامرات، يبدو أن للإنتاج فى هوليوود آراء أخرى.

Hercules فيلم مغامرات ينفع للمشاهدة فى حفلة منتصف الليل فى نهاية الأسبوع بعد يوم عمل شاق مع مشروب بارد، هـ يقدم جرعة متوازنة من الأكشن والمغامرة مع بعض الرومانسية. لكن لو متوقع ما هو أكثر من ذلك، ننصحك تنتظر أفلام ثانية هـ تنزل قريب، أو تشوف الأفلام اللى بـ يتم عرضها حاليًا يمكن يكون فيها أفلام أكثر ملائمة

عجبك ؟ جرب

Captain America.

نصيحة 360

وصلت ميزانية الفيلم لحوالي 110 مليون دولار أمريكي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح