The Definitive Guide to Living in the Capital , Cairo , Egypt

أفلام
Hotel Transylvania 2

Hotel Transylvania 2: لسه الكوميديا ممكنة في الأجزاء الثانية

  • آدم ساندلرآندي سامبرج...
  • كارتونكوميدي
  • جندي تارتكوفسكيجندي تارتكوفسكي
  • في1 Cinema
تم التقييم بواسطة
Mohamed Hamdy
قيم
قيم الآن
Hotel Transylvania 2: لسه الكوميديا ممكنة في الأجزاء الثانية

كل محبي شخصيات الأنيميشن وأفلام الكوميديا فاكرين كويس الجزء الأول منHotel Transylvania  واللى تم تقديمه سنة 2012 بنفس فريق عمل الجزء الحالي، وفاكرين حالة الكوميديا والمرح اللى دخلنا فيها الفيلم اللى اعتمد في الكوميديا بتاعته على حالة التناقض بين شكل وشخصية الوحوش والكائنات المخيفة وبين حالتها الحقيقية وطيبة قلبها وخوفها في الأساس من البشر والتعامل معهم.

في الجزء الثاني واللى أخرجه جيندي تارتاكوفسكي وقام ببطولته في الأداء الصوتي آدم ساندلر وسيلينا جوميز وكيفن جيمس وديفيد سبيد بـ يستكمل صناع الفيلم السير على نفس الوتيرة في الكوميديا، من خلال ظهور شخصية جديدة هو حفيد الكونت دراكولا (دينيس) والناتج من زواج ابنة دراكولا مصاصة الدماء (مافيز)، وبين البشري (جوناثان) الأمر اللى بـ يثير هلع دراكولا خوفًا من كون حفيده مش مصاص دماء.. الأمر اللى بـ يخليه يدخل حفيده في سلسلة من الاختبارات ومحاولات إثبات أنه وحش حقيقي مش مجرد آدمي عادي.. ومن هنا بـ تبدأ الكوميديا في التفجر خلال الأحداث.

هل مستوي الكوميديا كان ضعيف؟ الإجابة هي بالتأكيد: لأ، لكن برضه لازم نعترف أن الفيلم ما كانش بنفس قوة الجزء الأول أو بنفس قوة الفكرة وقدرتها على التأثير فينا، ويمكن ده شىء معروف عن الأجزاء الثانية من أي أفلام بـ نتابعها أنها مش بـ تكون بنفس قوة الأجزاء الأولى.

الموسيقى التصويرية كمان ما كانتش بنفس القوة، وحسينا أنه بـ يتم الاهتمام بالأحداث والكوميديا على حساب أي شىء ثاني، لكن مستوى التحريك والأداء الصوتي للأبطال كان متميز وقوي.. وبشكل عام اللى عجبه الجزء الأول من السلسلة هـ يعجبه الجزء الثاني وهـ يحس أنه استمرار للأحداث الكوميدية القوية اللى شوفناها في الجزء الأول.

Hotel Transylvania فيلم مشوق وقوي… مش بنفس قوة الجزء الأول لكن يظل قوي وكوميدي وقابل للمشاهدة كعمل منفصل بعيد عن الجزء الأول.

عجبك ؟ جرب

الجزء الأول من نفس السلسلة.

نصيحة 360

بعد إلقاء القبض على الممثل سيلو جرين، تم الاستعانة بالممثل كيجان مايكل كاي من أجل الأداء الصوتي لشخصية موري.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح