The Definitive Guide to Living in the Capital , Cairo , Egypt

HummingBird

Hummingbird: أكشن فى السريع

  • جيسون ستيثامفيكي ماكلور...
  • إثارةحركة ومغامرات
  • ستيف نايتستيف نايت
  • في1 Cinema
تم التقييم بواسطة
Mohamed Hamdy
قيم
قيم الآن
Hummingbird: أكشن فى السريع

فى فيلم Hummingbird أو Redemption -من إخراج وتأليف ستيفن نايت- بـ نشوف جيسون ستاثام فى دور هارب من المحكمة العسكرية، وفرد سابق فى القوات الخاصة الأمريكية بـ يعيش حياة التشرد فى شوارع لندن وحياتها الليلية وسط المجرمين وقطاع الطرق، الحياة الجديدة المفروضة على جوى جونز أو جيسون ستاثام بـ تؤدى للعديد من المواقف العنيفة والمطاردات المثيرة اللى مش عاوزين نحرقها عليكم.

جيسون ستاثام من أبناء هوليوود المدللين، وصل لمكانة كبيرة فى وقت قصير من خلال مجموعة من أفلام الأكشن الناجحة، حققت نجاح كبير فى الولايات المتحدة ولندن، ثم حققت نجاح أكبر فى المنطقة العربية وخصوصًا مصر، تزامن نجاحها مع سحب البساط من تحت نجوم الأكشن التقليديين زى نيكولاس كيدج اللى عانى فى الوقت نفسه من سلسلة من الإخفاقات فى أعماله الأخيرة لأسباب متعددة، كمان بروس ويليز كان تقدم فى العمر وأصبح تقديمه لأفلام أكشن مغامرة غير مضمونة، بالتالى ظهر ستاثام كنجم الأكشن القادم القادر على معرفة حدود قدراته واللعب عليها بشكل احترافى رائع.

Redemption أو (طائر الطنان) من الأفلام اللى بـ تستغل نجاح (ستاثام) فى مجال أفلام الأكشن وبـ تعيد تقديمه إلى حد ما بشكل جديد، بـ نشوفه فى المشاهد الافتتاحية كرجل مشرد محتاج مأوى، وبشكل عام محتاج فرصة جديدة للعمل والحياة، لكن هل المجتمع هـ يعطيه الفرصة الثانية المطلوبة ولا هـ يبخل عليه بها؟

ظهور ستاثام دائمًا بـ يقلل وجود أى أبطال بجواره، فى أى فيلم بـ يقوم ببطولته شوفنا ده فى كثير من الأعمال اللهم إلا بعض الأعمال اللى ظهر فيها أمام نجوم عالميين آخرين، وبشكل عام ظهور ستاثام أصبح خطر على كثير من نجوم الأكشن فى المجتمع الهوليوودى.

الموسيقى التصويرية والديكورات كان لها دور قوى فى الأحداث، مش جامد جدًا لكن قوى بما يتناسب مع فيلم الهدف الأول والأخير منه الإمتاع من خلال الأكشن.

فيلم Redemption ممكن ما يكونش أعظم فيلم أكشن تشوفه فى حياتك، لكن لو أنت من محبى ستاثام على أى حال هـ يعجبك الفيلم جدًا، برضه لو كنت من محبى الأكشن هـ تشوف الفيلم كويس، لكن لو بـ تدور على العمق أو الهدف أو الرسالة السامية من الأفلام اللى بـ تشوفها ننصحك تشوف فيلم ثانى بسرعة.

عجبك ؟ جرب

باقى أفلام جيسون ستاثام: Transporter بأجزاؤه، أو Crank بأجزاؤه.

نصيحة 360

الحياة الشخصية لجيسون ستاثام مليئة بالغرائب، منها أنه احتل المرتبة 12 فى مسابقات الغطس سنة 1992، وكان عضو فى الفريق البريطانى للغطس لمدة 12 سنة قبل ما يتم اكتشافه من قبل أحد وكلاء الفنانين وينتقل لحياة هوليوود وأفلام الأكشن.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح