The Definitive Guide to Living in the Capital , Cairo , Egypt

Hyena Road

Hyena Road: طريق المغالطات السياسية والتاريخية!

  • آلان هوكوبول جروس...
  • دراما
  • بول جروسبول جروس
  • في1 Cinema
تم التقييم بواسطة
Mohamed Hamdy
قيم
قيم الآن
Hyena Road: طريق المغالطات السياسية والتاريخية!

من بداية مشاهدتنا للفيلم وإحنا عندنا إحساس عام بعدم الارتياح.. فى البداية ما كناش عارفين السبب بالضبط لكن مع استمرار الأحداث فى التدفق عرفنا السبب الحقيقي… وده اللى هـ نعرفه أكثر لما نعرف قصة الفيلم بالتفصيل.

الفيلم من بطولة وإخراج بول جروس ويشاركه البطولة ديفيد ريتشموند بيك وكلارك جونسون وكريستين هورن وبـ يحكي عن ما بعد احتلال الجيش الأمريكي لأفغانستان، وإزاي بـ يتعامل الجيش هناك وبـ يحاول يسيطر على الحركات "الإرهابية" اللى بـ تنفذ عمليات ضد الطريق اللى بـ يحاول الأمريكان تمهيده علشان يسهل عليهم السيطرة على الأراضى الأفغانية.. نعتقد أن القصة واضحة دلوقت هى ضايقتنا ليه؟ الفكرة أن الأمريكان من خلال هوليوود بـ يحاولوا يضفوا الشرعية على حربهم فى العراق وأفغانستان ويعطوا المشاهدين إحساس أنهم فى حرب مقدسة وأن من حقهم سحق المقاومة الأفغانية لرفضهم احتلال أراضيهم، كمان بـ يظهر بعض الأفغان فى صورة المتعاونين والمرحبين بالاحتلال، لكن فى بعض المشاهد بـ تفلت منهم الحقيقة وبـ يقولوا أن كل شىء هناك بـ يقاومهم… حتى التراب!

بالإضافة لوضع الشرعية على الاحتلال بـ يحاول الأمريكان يظهروا بصورة السوبر هيرو الذى لا يقهر، واللى بـ يحارب لنشر الديموقراطية والثقافة والعولمة، وكلها مجرد دعاية علشان نوصل للهدف الحقيقي لاحتلال الأراضى دي.. فرض النفوذ والبحث عن الثروات الطبيعية فى باطن الأرض.

بالنسبة للأداء التمثيلي كان قوي ومؤثر، كمان إخراج مشاهد القتال كان متميز على الرغم من قلتها، لكنه قدر ينقلنا لداخل أجواء ضرب النار والصراع الدائر هناك بشكل قوي.. كمان لازم نقول أن الإضاءة فى الفيلم والألوان كانت مميزة، والتصوير فى الصحراء أضفى لون أحمر قاني على الأحداث وأصفر محايد أخرج عيوننا خارج دائرة الألوان المألوفة اللى كنا تعودنا عليها فى باقى الأفلام.

الموسيقى التصويرية على الرغم من قوتها إلا أنها كان المفروض تكون أقوى، وحسينا أنه لو تم الاهتمام بها أكثر من كده كان ممكن يطلع منها أفضل من كده بكثير.

Hyena Road بـ يحاول يلعب على الكلاسيكيات السينمائية عن أفلام الحرب زي أغنية "على جسر نهر كواي" مثلًا.. لو ده هدفه يبقى فشل فيه تمامًا.. لكن لو الهدف تقديم فيلم دعائي للقوات الأمريكية من خلال فيلم أكشن مسلي.. يبقى نجح فى ده تمامًا.

عجبك ؟ جرب

American Sniper.

نصيحة 360

بعض أجزاء الفيلم تم تصويرها فى الأردن.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح