The Definitive Guide to Living in the Capital , Cairo , Egypt

I, Frankenstein

I, Frankenstein: عن الخير والشر داخلنا

  • أرون إيكهارتأرون إيكهارت...
  • إثارةحركة ومغامرات...
  • ستيوارت بيتيستيوارت بيتي
تم التقييم بواسطة
Mohamed Hamdy
قيم
قيم الآن
I, Frankenstein: عن الخير والشر داخلنا

محاولة تجسيد الصراع بين الخير والشر ووقوف الإنسان حائر فى منتصف المسافة بين كونه ملاك وبين كونه شيطان، قدرت كثير من الأفلام العربية والغربية تجسدها على مدار سنين طويلة، فيلم فرانكشتاين واحد من الأفلام اللى بـ تحاول تقدم نفس الفكرة بأسلوب مختلف.

بمشاهد افتتاحية غاية فى السرعة بـ نشوف قصة مخلوق خارق للعادة صنعه طبيب مهووس بفكرة إعادة الحياه للبشر اسمه دكتور فرانكشتاين، نتيجة تجربته المثيرة للجدل بـ يتم خلق  مخلوق غريب ومشوه وله قدرات غير عادية، محاولة الطبيب الفاشلة للتخلص من نتيجة تجربته الهائلة بـ تؤدي لميلاد بطل فيلمنا “آدم” (آرون  أيكهارت) فى الفيلم اللى  أخرجه  ستيوارت بيتي.

آدم بـ يخوض على مدار أحداث الفيلم حرب شرسة ضد قوى الشر الممثلة فى الشياطين، وفى نفس الوقت بـ يرفض الانضمام لفريق الملائكة الأخيار اللى بـ يدافع عن البشر، بالتالى بـ يتم طرح آدم كصورة للإنسان الحديث، الإنسان اللى أرقى من أنه يكون شيطان، وأقل نقاء من أنه يكون ملاك، وصراعه فى الدنيا بين الخير والشر طوال الوقت، لكن الفيلم لسه ملىء بأحداث ومفاجآت مش عاوزين نحرقها عليكم.

على الرغم من أن القصة قوية، إلا أن تنفيذها ما كانش بالاحترافية اللى كنا متوقعينها، صحيح أن مشاهد الإبهار واستعمال المؤثرات الخاصة والخدع السينمائية كان موجود على طول خط أحداث الفيلم، إلا أن كثير من المشاهد ما كانش مقنع بالنسبة لنا بالمرة، وفى كثير من المشاهد بـ نحس أنها مكررة أو حتى مأخوذة من أعمال ثانية شوفناها سواء قريب أو من فترة بعيدة.

الموسيقى التصويرية والديكورات لعبت عامل مهم على دخول واندماج المشاهد مع أحداث الفيلم، وكان عندنا إحساس طوال أحداث الفيلم بالاكتئاب أو الوحدة، وده كان نفس شعور بطل الفيلم آدم بالضبط، بالتالى حسينا أن العوامل المساعدة والمكملة للفيلم قدرت تدخلنا جو الفيلم بالضبط.

قصة الفيلم وبعض الجمل الحواريه به ممكن تثير حفيظة البعض من الناحية الدينية، لكن توظيفها فى عمل فنى خيالى فانتازى بـ يخلى الأمور أبسط وأخف، فرانكشتاين فيلم تشوفه لو عندك القدرة على “تكبير دماغك” عن كثير من التفاصيل، لو مش عندك القدرة دى ننصحك تشوف فيلم ثانى.

عجبك ؟ جرب

The Cabin in the woods.

نصيحة 360

الفيلم من إنتاج أسترالي أمريكي مشترك.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح