The Definitive Guide to Living in the Capital , Cairo , Egypt

If I Stay

If I Stay: الملل قتل الفيلم

  • جايمي بلايكليجوشوا لينارد...
  • دراما
  • أر. جيه. كتلرأر. جيه. كتلر
تم التقييم بواسطة
Mohamed Hamdy
قيم
قيم الآن
If I Stay: الملل قتل الفيلم

إحنا بـ نحب.. وبـ نشجع الأعمال السينمائية المقتبسة أو المأخوذة عن أعمال أدبية وروائية، وبـ نحس طوال الوقت أن لها طابع خاص ونكهة مميزة، لكن اللى حصل مع If I Stay كان العكس تمامًا، حسينا طوال الوقت أن المخرج أر. جيه. كوتلر قتل القصة من خلال إخراجه لفيلم حسينا فيه بالملل أكثر بكثير من شعورنا بالانسجام أو انتظار الأحداث.

كلوي جريس أو ميا هول، بنت متفوقة فى العزف على التشيلو، بـ تروح مع أهلها لزيارة لبيت جدها وجدتها، إلا أنها بـ تتعرض لحادث قاتل، وبين الحياة والموت فى المستشفى بـ تبدأ تسترجع ذكرياتها وحبها القديم وتقدمها فى حياتها الدراسية والفنية وعلاقتها بأهلها وأخوها، كل ده من خلال خلفية موسيقية من الأغاني والمعزوفات الكلاسيكية الراقية اللى سيطرت عليها الروح “البيتهوفينية” الأوربية الأصيلة.

على الرغم من ملخص الفيلم اللى بـ يوحي أننا أمام فيلم رومانسى غنائى حالم، إلا أن الحقيقة اللى ظهرت من خلال الفيلم نفسه كانت فى منتهى الملل، ولاحظنا انصراف بعض المشاهدين من قاعة السينما، ولولا رغبتنا فى نقل الصورة كاملة كان ممكن نخرج معاهم!

الأداء التمثيلى للأبطال كان متميز، وخصوصًا مطرب الروك آدم (جيمي بلاكلى)، وصديقة البطلة كيم (ليانا ليبرتو)، ولا يمكن ننسى المشاهد البسيطة اللى أدتها السمراء عائشة هندس فى دور الممرضة اللى بـ تحاول تعطي “ميا”الدفعة للتمسك بالحياة من جديدواللى على الرغم من قلة المشاهد اللى ظهرت فيها لكنها استطاعت تأديتها بشكل قوي ومتميز.

الموسيقى التصويرية تُحسب للفيلم، لو استثنينا الأغاني اللى حسينا أنه تمت صناعتها بكثير من الاستعجال، لكن بشكل عام تراك الموسيقى التصويرية للفيلم كان متميز، ويمكن لولا عملية المط فى الأحداث واسترجاع الذكريات وإصابتنا بالملل طوال الوقت كان ممكن نعطي الفيلم تقييم أقوى.

على الرغم من تصنيف الفيلم الأمريكي للمشاهدة فوق 13 سنة، إلا أننا بـ نعتقد أن بعض المشاهد ممكن تضايق المشاهدين المحافظين، خصوصًا المشاهد ذات الطابع الجنسى اللى حسينا أنها كانت أكثر من المعتاد، على الرغم من طبيعة الفيلم الرومانسية وعدم رغبة المخرج فى الحصول على تصنيف 18 اللى كان هـ يحرمه من شريحة أكبر من المشاهدين.

If I Stay فيلم عن الرغبة فى الحياة والمقاومة من أجل البقاء، وهو من نوعية الأفلام اللى نهايتهامفتوحة، ننصحكم بمشاهدته لو كان عندكم بال رائق ومستعدين تستحملوا الإيقاع البطئ للفيلم بدون شعور بالملل!

عجبك ؟ جرب

Begin Again.

نصيحة 360

الفيلم مقتبس من رواية بـ تحمل نفس الاسم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح