The Definitive Guide to Living in the Capital , Cairo , Egypt

Jupiter Ascending

Jupiter Ascending: قصة قديمة بتناول جديد

  • إيدي ريدمينشانينج تيتم...
  • حركة ومغامراتخيال علمي
  • آندي وشاوسكيآندي وشاوسكي...
تم التقييم بواسطة
Mohamed Hamdy
قيم
قيم الآن
Jupiter Ascending: قصة قديمة بتناول جديد

بالنسبة لنا أفلام الخيال العلمي بـ تنقسم لقسمين رئيسيين: أفلام ناجحة جدًا، وأفلام فاشلة جدًا، الحقيقة أننا بـ نشوف أن ما فيش حلول وسط فيما يتعلق بالخيال العلمي، ولو اضطررنا لوضع فيلمنا النهارده فى خانة من الاثنين دول، هـ نضطر آسفين أننا نضعه فى خانة الأفلام الفاشلة!

من تأليف وإخراج الأخوان واتشوسكي (آندي ولانا) بـ نشوف ميلا كونيس وتشانينج تيتوم وشين بين ودوجلاس بوث فى فيلم إثارة وأكشن مع بعض الدراما، عن أسرة بـ تعيش حياة مسالمة، الأب بـ يحب يتابع النجوم من خلال التليسكوب، لكن حياة الأسرة بـ تتغير بعد ما بـ يتعرضوا لهجوم من بعض البلطجية اللى بـ يقتلوا الأب ويسرقوا المنزل، ثم بـ تنشأ بنتهم "جوبيتر Jupiter" أو "المشترى" واللى بـ تعيش حياة صعبة وسيئة للغاية.

"أنا بـ اكره حياتي".. دي كانت الكلمة الأساسية اللى بـ تقولها جوبيتر طوال الوقت، لحد ما بـ تتغير حياتها بنسبة 180 درجة لما بـ تكتشف أنها ملكة لمجموعة من المجرات، وأن فيه صراع طويل على الأرض ككوكب من أحد المجرات اللى بـ تمتلكها! هنا بـ يبدأ جزء الخيال العلمي الخاص بالفيلم، واللى بـ يمتد على مستوى الأحداث حتى النهاية
على الرغم من القصة المكررة والمتوقعة، وخصوصًا الجانب الرومانسى اللى ما كانش فيه أي جديد، نقدر نقول أن مستوى الإبهار والخدع كان متميز، خصوصًا مشاهد المطاردات فى أول الفيلم، والخدع السينمائية المستخدمة فيها خاصة مع العرض بتقنية 3D اللى ما قدمتش جديد، لكن بعض المشاهد كانت متميزة ومختلفة.

الأداء التمثيلي للأبطال كان أقل من المتوقع، ميلا كونيس بـ تنتقل من فكرة أننا لوحدنا فى الكوكب لفكرة أن حولنا كواكب وعوالم مأهولة بالسكان والحياة، وأنها صاحبة ومالكة كوكب الأرض بالكامل، كل ده بـ يحصل فى ثواني بدون أى تعبير للدهشة على وجهها! كأنها عارفة كل المعلومات دي قبل كده! وغيرها من المشاهد اللى حسينا فيها بضعف الأداء.

Jupiter Ascending هـ يكون فيلم عظيم لو كنت من محبى أفلام الفانتازيا والخيال العلمي إلى أقصى حد، لكن لو كنت بـ تحب الخيال العلمي بأسلوب Interstellar العلمي الرصين، ننصحك تستني الفيلم ده فى التليفزيون أو على أسطوانات DVD.

عجبك ؟ جرب

 .Guardians of the galaxy

نصيحة 360

ناتالي بورتمان كانت مرشحة لدور جوبيتر جونز بدلاً من ميلا كونيس.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح