The Definitive Guide to Living in the Capital , Cairo , Egypt

Justin Bieber’s Believe

Justin Bieber’s: Believe: الموسيقى والسينما

  • جاستن بيبر
  • وثائقي
  • جون إم. تشوجون إم. تشو
تم التقييم بواسطة
Mohamed Hamdy
قيم
قيم الآن
Justin Bieber’s: Believe: الموسيقى والسينما

إيه أكثر حاجة بـ يفكر فيها المخرج أو المنتج قبل تقديم فيلم للسينما؟ مستوى الإقبال وعدد المشاهدين طبعًا بـ يأتى فى المقام الأول، ده اللى بـ يخلى المنتجين والمخرجين والقائمين على أى عمل فنى بشكل عام مهتمين بتقديم الأفلام الموسيقية، لأنها بـ تجمع فى منتجها النهائى باهتمام محبى السينما ومحبى المزيكا مع بعض، واجتماع الاثنين فى عمل واحد بـ يعنى دائمًا نجاح ساحق ومضمون، لكن هل ده اللى حصل مع فيلم Believe؟

الإجابة لأ، فى رأينا أن الفيلم فشل فى تحقيق المستهدف من الإيرادات فيما يتعلق بالأفلام الموسيقية الغنائية… دورنا شوية أونلاين وعرفنا بعض الحقائق، مجلة Variety الأمريكية المتخصصة فى السينما سخرت من الفيلم وفشله فى تحقيق الإيرادات وفقًا للتقرير اللى نشرته مؤخرًا المصرى اليوم، على الرغم من إعلان “بيبر” اعتزاله فى وقت متزامن مع نزول الفيلم، الأمر اللى كان المفروض يزود إيرادات الفيلم.

شركة أوبن رود فيلمز، المنتجة للفيلم أعلنت أن سبب انخفاض الإيرادات كان نتيجة نقص عدد دور العرض اللى تم طرح الفيلم فيها، عمومًا السوق السينمائى المصرى ما اختلفش كثير فيما يتعلق بعدم تحقيق إيرادات للفيلم على الرغم من محبين بيبر المنتشرين فى كل مكان فى العالم.

المخرج جون أم تشو ركز على حياة جاستن بيبر ورحلة صعوده فى عالم الفن، المراهق الكندى اللى قدر يقتحم سوق الموسيقى الأمريكي من خلال أغانيه وبمساعدة سكوتر براون اللى أصبح مدير أعماله بعد كده، بعد نجاحه من خلال موقع مقاطع الفيديو “يوتيوب”.

بما أن الفيلم وثائقى بـ نشوف كل النجوم بأسمائهم وشخصياتهم الحقيقية، طبعًا لأ يسعنا التعليق على الموسيقى التصويرية أو الأغانى لأن كلها كانت من أعمال بيبر اللى يعرفها معجبيه كويس، ومستواها أكيد كان متميز بما أننا بـ نتكلم عن فيلم موسيقى.

باختصار: لازم تكون من عشاق جاستن بيبر المطرب المثير للجدل دائمًا علشان يعجبك الفيلم ده، أما لو كانت اختياراتك أكثر اتساعًا ننصحك تشوف فيلم ثانى.

عجبك ؟ جرب

One Direction: This Is Us.

نصيحة 360

جاستن بيبر من مواليد 1994 وحقق شهرة كبيرة فى عالم الغناء، صاحبها جدل كبير حول المطرب المراهق والمشكلات اللى بـ تحيط حياته الشخصية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح