The Definitive Guide to Living in the Capital , Cairo , Egypt

أفلام
King Arthur: Legend of the Sword

King Arthur: Legend of the Sword: عمل فني من العيار الثقيل

  • أستريد بيرجيزإيريك بانا...
  • حركة ومغامرات
  • جاي ريتشي
  • في1 Cinema
تم التقييم بواسطة
Mohamed Hamdy
قيم
قيم الآن
King Arthur: Legend of the Sword: عمل فني من العيار الثقيل

الفيلم بيحكي عن أسطورة الملك أرثر اللي تناولتها كتير من الأعمال السينمائية والدرامية، لكن الفيلم بيعود بينا للوراء لفترة شباب أرثر وقدرته على العثور على سيف إكساليبور السحري والموجود في قلب أحد الصخور القوية، وفى نفس الوقت بيحاول أرثر يجمع شعبه تحت راية واحدة علشان ينتقم من اللي قتل والديه.

 

فريق العمل

الفيلم من إخراج جاي ريتشي، ومن تأليف جوبي هارولد، ومن بطولة تشارلي هونام وجود لو وأستريد بيرجيس فريسبي ودجيمون هونسو. وزي ما إحنا شايفين الفيلم معظم أبطاله من النجوم المشاهير واللي قاموا بأعمال وأدوار مهمة في عدد كبير من الأفلام.

السيناريو والحوار والإخراج

سيناريو الفيلم المميز قدر يتحد مع الحوار علشان يقدموا لنا في النهاية فيلم قوي ومترابط وقادر على إقناعنا ونقلنا زمنيًا لحقبة لم يعشها أحد علشان ينقل لنا قصة بطولة وفداء جديدة.. وعرفنا ان الفيلم مكون من 6 أجزاء، وكان من الواضح أن المخرج بيأسس للأجزاء القادمة واللي هتحتوي على عدد ضخم وكبير من الأحداث والتقلبات الهامة، علشان كده كان لازم إخراج الفيلم يركز على تأصيل الأحداث والعودة بالقصة للبداية علشان نكون فاهمين كل شيء.

الموسيقى والديكور والمؤثرات

موسيقى الفيلم تميزت بأن لها طابع تاريخي محبب لنفوسنا، وفى نفس الوقت كانت قادرة أنها تكون شبابية وحماسية، خصوصًا ما يتعلق بمشاهد المعارك والصراعات المختلفة، أما الديكورات فنقلتنا نفسيًا وبصريًا لعالم تاني خالص، ونجحت في ابتكار عالمها الخاص واللعب بقوانينه ونقلنا بنجاح للزمن ده.

المؤثرات الخاصة وعلى الرغم من استعمالها بصورة غير مكثفة لكنها كانت قوية وواضحة ومؤثرة وجميلة جدًا.

الخلاصة

فيلم King Arthur: Legend of the Sword يعتبر عمل فني من العيار الثقيل، وإحنا في انتظار الأجزاء القادمة من باقي السلسلة على أحر من الجمر.

علشان تبقى عارف: زاد وزن شارلي هانوم إلى 190 باوند ﻷجل دوره في الفيلم. والفيلم بدأ  تصويره في 2015.

عجبك ؟ جرب

فيلم 300

نصيحة 360

تقييم الفيلم على موقع IMDB 7.4 من 10 وشارك في الاستطلاع حوالي 13 ألف مستخدم للموقع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح