The Definitive Guide to Living in the Capital , Cairo , Egypt

أفلام
Laggies

Laggies: عن العلاقات المفككة

  • سام روكويلكلوي جريس مورتيز...
  • كوميدي
  • لين شلتونلين شلتون
  • في1 Cinema
تم التقييم بواسطة
Mohamed Hamdy
قيم
قيم الآن
Laggies: عن العلاقات المفككة

الأفلام اللى بـ تتكلم عن العلاقة بين بنت مراهقة وامرأة أكبر سنًا، أفلام كثيرة ومتعددة، ونقدر نعتبر فيلم اليوم واحد منها، والحقيقة أننا ما عندناش أى مشكلة مع ده لو كان الفيلم أقل مللاً، وخصوصًا فى النصف الأول من أحداثه.

من تأليف أندريا سيجال ومن إخراج لين شيلتون بـ نشوف قصة علاقة غريبة بـ تنشأ بين فتاة مراهقة وامرأة أكبر سنًا، بعد ما بـ تحط الظروف الأخيرة في موقف محرج بـ يجبرها على الانتقال للحياة مع الفتاة المراهقة لمدة أسبوع فى منزلها، وبـ تتطور الأمور مع معرفة الأب غريب الأطوار والمرح فى نفس الوقت واللى بـ يعوز يعرف سبب انتقال الفتاة للحياة في بيته ومع بنته.

الأداء التمثيلي للأبطال كيرا نايتلي وكلوي جريس وسام روكويل كان متميز لكن ينقصه بعض النكهة، بعض الاهتمام بالتفاصيل، وبالتأكيد الكثير من المرح والحياة، الأمر اللى حسينا معاه بغياب "الأكسجين" عن الأحداث على الرغم من قوتها على صعيد السيناريو.

الفيلم بـ يتعرض للعلاقات الأسرية والإنسانية المفككة اللي بـ يعاني منها المجتمع الأمريكي، بداية من علاقات الخيانة الزوجية بعد سنين طويلة من الزواج، أو العلاقات الزوجية الفاشلة وحالات الطلاق المتفشية خلال الأحداث، ولعل أهم مشهد بـ يناقش القضية دي لما بـ ترفض والدة الطفلة المراهقة مقابلتها، ولما بـ تجبرها صديقتها ميجان على المقابلة، ما اتكلمتش معاها كثير وأعطتها بعض العينات المجانية من منتجات شغلها.

القصة بـ تتحول بشدة في النصف الثاني من الأحداث، لكن دي مفاجأة نحب أنكم تكتشفوها بنفسكم لما تشوفوا الفيلم، لكن مع زيادة جرعة الكوميديا إلى حد ما بـ يظل عندنا شعور عام بعدم الارتياح لأداء الممثلين، وأنه كان محتاج لـ "رشة الملح" المطلوبة لنجاح أى عمل سينمائى.

على الرغم من تميز الديكورات وقوتها وتنوع أساليب التصوير فى المشاهد إلا أن الموسيقى التصويرية ما كانتش بالقوة اللى توقعناها، لكن هو ده المستوى اللى بـ نتوقعه فى حالة الأفلام متوسطة التكلفة، واللى بـ نرشحها للمشاهدة فى الويك إند لو كنتم من المشاهدين أصحاب البال الرائق، لكن لو كنتم من المشاهدين اللى بـ تزهق بسرعة، ننصحكم توفروا الوقت والفلوس وتشوفوا فيلم ثانى.

عجبك ؟ جرب

فيلم If I Stay.

نصيحة 360

الفيلم للكبار فقط.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح