The Definitive Guide to Living in the Capital , Cairo , Egypt

Legends of Oz: Dorothy’s Return

Legends of Oz: Dorothy’s Return: إعادة إنتاج ضعيف لفيلم قوي

  • جيمس بيلوتشيدان إيكيورد...
  • ثلاثي الأبعادحركة ومغامرات...
  • دان سن بييردان سن بيير...
تم التقييم بواسطة
Mohamed Hamdy
قيم
قيم الآن
Legends of Oz: Dorothy’s Return: إعادة إنتاج ضعيف لفيلم قوي

مين قال أن مجرد إعادة تقديم فيلم أو حبكة ما سبق تقديمها، وإضافة مؤثرات الأبعاد الثلاثية، مين قال أن كل الأمور دي ممكن تغفر الاستسهال فى اختيار الممثلين –حتى لو كان لمجرد الأداء الصوتي- أو تغفر "الاسترخاص" فى المؤثرات الخاصة والإمكانيات اللى تم تسخيرها لإنتاج الفيلم؟!

من تأليف آدم بلسم وراندي بارنز ومن إخراج ويل فين ودان سانت بيير بـ نشوف ليا ميشيل ودان أيكرويد وجيمس بيلوشى فى الأداء الصوتي للشخصيات الرئيسية فى الفيلم، الفيلم اللى بـ يتكلم عن دوروثي اللى بـ تدخل فى رحلة سحرية خالصة للمساعدة فى إنقاذ أصدقائها القدامى، القصة اللى بـ نشوفها فى كثير من أفلام الأنيميشن اللى بـ يتم عرضها مؤخرًا للأسف بدون أي تفكير فى بعض التجديد.

الفيلم لو كان من نوعية الأفلام اللى بـ تعتمد فى النهاية على المؤثرات الخاصة والخدع القائمة على استخدام الكمبيوتر وتقنيات العرض ثلاثية الأبعاد، وده اللى كنا متوقعينه قبل مشاهدة الفيلم، لكن بعد مشاهدتنا للفيلم ومستواه الفني المتدني نقدر نقول أن الفيلم تم الاستهتار به والدفع به لشاشات السينما فقط لتقديم فيلم أنيميشن آخر، وأن الأرباح الحقيقية اللى ممكن يحققها الفيلم ده هـ تكون من خلال البيع عبر الـ CDs أو من خلال الخدمات الحديثة لمشاهدة الأفلام على الأجهزة المحمولة زى Apple Store وغيرها.

اللى بـ يؤكد عندنا نفس الإحساس هو الأداء الصوتي للأبطال واللى كان أقل من المتوقع وغير متناسب مع طبيعة الشخصيات، لكن على العكس من كل العناصر السابقة بـ نعتقد أن الموسيقى التصويرية كان لها تأثير إيجابى وحميمي إلى حد ما علينا كمشاهدين، وقد تكون من العناصر النادرة فى الفيلم اللى لاقت استحساننا.

أسلوب التحريك وزوايا التصوير على الرغم من قوتها فى بعض المشاهد إلا أنها كانت أقل من المستوى فى بعض المشاهد الأخرى، وبشكل عام خرجنا من الفيلم بإحساس عام بعدم تقبله أو عدم الاهتمام به بمعنى أصح، على الرغم من أن بعض أفلام الأنيميشن الأخرى كانت بـ تستحوذ  على اهتمامنا وكانت بـ تحمل إسقاطات سياسية واجتماعية أهم وأقوى.

فى النهاية بـ نهمس فى أذنكم.. ممكن تستنوا الفيلم لما يتعرض فى القنوات الفضائية أو على الإنترنت، وتوفروا ثمن التذكرة لأفلام أكثر أهمية وأكثر اهتمامًا بالجمهور.

عجبك ؟ جرب

Oz the Great and Powerful إنتاج عام 2013.

نصيحة 360

تكلف الفيلم حوالى 70 مليون دولار.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح