The Definitive Guide to Living in the Capital , Cairo , Egypt

Love And Honor

Love and Honor: عن الحب… والحرب

  • إيمي تيجاردنتيريزا بالمر...
  • درامارومانسي
  • داني مونيداني موني
تم التقييم بواسطة
Mohamed Hamdy
قيم
قيم الآن
Love and Honor: عن الحب… والحرب

مين اللى ممكن تكون له الغلبة فى المشاعر الإنسانية؟ شعور القتل والحرب والدم؟ أم شعور الحب والتسامح وكل المشاعر السامية اللى ممكن تنشأ بين شابين؟ المفهوم الرومانسى ده هو المحور الأساسى اللى بـ يدور حوله فيلم Love and Honor على مدار حوالى ساعة ونصف هى مدة العمل اللى أخرجه دانى مونى، وتم عرضه مؤخرًا فى دور العرض المصرية.

مجند فى الجيش الأمريكى، فى واحدة من أحلك فترات التاريخ الأمريكى دموية: حرب فيتنام، بـ يقرر الهروب من الجندية علشان يقابل حبيبته، الأمر اللى بـ يشعل الدنيا كلها ضده، لكن نار الحب اللى بـ تشتعل فى قلبه بـ تكون أقوى من أى شىء آخر، هى دى الحبكة الأساسية اللى قام عليها الفيلم، والمقارنة بين مشاعر العاطفة والحب اللى بـ تسيطر على معظم الفيلم مقابل شعور الكراهية والقتل والرغبة فى إلحاق الأذى بالآخرين.

أبطال الفيلم ليام هومورث وأوست ستول وتيريسا بالمر وغيرهم، قدروا يتحكموا فى طريقة إرسال مشاعرهم للمشاهدين عبر الأحداث المختلفة، وعلى الرغم من بعض الأمور السلبية فى الفيلم إلا أن أدائهم التمثيلى كان بـ يتميز بالهدوء والخفة اللى بـ نعتقد أنها سهلة ممتنعة، وفى معظم أجزاء الفيلم ما كانش عندنا إحساس أنهم بـ يمثلوا، وحسينا أنها قصة حياة عادية.

على الرغم من وجود بعض مشاهد الأكشن فى الإعلان الترويجى للفيلم إلا أن مساحتها الحقيقية على الشاشة كانت أقل من توقعاتنا، مشاهد الأكشن بـ نشوفها فى المشاهد الافتتاحية والأولى من الفيلم، لكن بعد كده بـ يتنحى الأكشن جانبًا علشان يتيح للرومانسية العزف على أوتار المشاهدين حتى نهاية الفيلم.

ليام هيمسورث شوفناه مؤخرًا فى عمل ثانى مهم هو الجزء الثانى من فيلم “ألعاب الجوع” لكن فى المقارنة بين دوره فى العملين بـ نحس أن فترة زمنية طويلة مرت بينهم، وأداؤه فى ألعاب الجوع كان أقوى بكثير، لكن يمكن أن الفرق ده بـ نحسه لأن ألعاب الجوع بـ يناقش أحداث مستقبلية بينما Love and Honor بـ يتكلم عن أحداث مرت قرب السبعينات، وده أمر يحسب للمخرج أنه قدر يرجعنا بالزمن الفترة دى كلها.

الديكور والخدع السينمائية، ما كانوش على المستوى اللى كنا متوقعينه، وتنضم إليهم الموسيقى التصويرية علشان تقدم مستوى أقل من المتوقع بالنسبة لفيلم رومانسى، وممكن كنا نقبل مستوى زى ده من نوعية ثانية من الأفلام اللى مش بـ تركز على المشاعر والأحاسيس بشكل كبير، لكن فى حالة Love and Honor كان لازم نقول أن الخدمات المساعدة لنجاح العمل ما كانتش بالجودة المتوقعة.

Love and Honor فيلم عن الحب والحرب، على الرغم من سيطرة الحب على معظم الفيلم، وفى رأينا الشخصى أنه فيلم موجه للجنس الناعم بشكل أكبر، لكن لو كنت من محبى الأفلام الرومانسية الهادئة مع لمحة أكشن ننصحك تشوف الفيلم.

عجبك ؟ جرب

Forrest Gump.

نصيحة 360

في مرحلة ما من الإنتاج، عرف الفيلم باسم AWOL.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح