The Definitive Guide to Living in the Capital , Cairo , Egypt

معلومة مهمة عاوزين نبدأ بها كلامنا، التريلر بتاع الأفلام مش دايمًا بـ يعبر عن محتوى الفيلم بشكل حقيقي، ده لأن هوليوود دلوقت بقيت بـ تتعاقد مع شركات خاصة بإنتاج الإعلانات والتريلرز الخاصة بالأفلام، وياما أفلام قوية ظلمها تريلر أو أفلام ضعيفة أنصفها التريلر أزيد من اللازم.. وفى حالة فيلمنا النهارده التريلر خدعنا.

من إخراج جيسي نيلسون وبطولة أماندا سيفريد وأيد هيلمز وجون تيني وأنطونى ماكى بـ نشوف مجموعة من القصص المختلفة واللى لها طابع إنساني صرف، من خلال أزواج Couples بـ تمر بأحداث مختلفة فى ليلة واحدة، ثم بـ تبدأ القصص دي فى الاندماج والتداخل مع بعضها البعض علشان تكون فى النهاية نسيج واحد قوي ومترابط، لكن ده حصل للأسف فى وقت متأخر من زمن أحداث الفيلم.

مشكلتنا مع التريلر أنه أعطانا الانطباع أن الفيلم كوميدي، ولما شوفنا الأحداث نفسها اكتشفنا أنه بـ يميل أكثر للجانب الاجتماعي مع لمحة رومانسية، ويمكن ده اللى جعل كثير من المشاهدين يحسوا بالاستياء من الفيلم على الرغم من أن تصنيفه كفيلم اجتماعي فيلم جيد، لكن التريلر ضحك على الناس!

على الرغم من جودة الأداء التمثيلي للأبطال كلهم إلا أن الموسيقى التصويرية ما استغلتش الأداء ده لتقديم مقطوعات جيدة، بل اكتفيت بتواجد بسيط على هامش الأحداث، على العكس من الديكورات اللى لعبت دور مهم فى انعكاس أجواء أعياد الميلاد وتقديم لوحات بصرية متكاملة وجميلة وفيها دفء جميل.

مختصر كلامنا عن Love the Coopers أنه فيلم يستحق "جيد" لو هـ نقيمه كفيلم تراجيدي رومانسي، لكن هـ نعطيه "ضعيف" لو قيمناه كفيلم كوميدي زي ما بـ يوحي لنا التريلر الخاص به.