The Definitive Guide to Living in the Capital , Cairo , Egypt

Maggie

Maggie: بداية قوية ونهاية كئيبة

  • أبيجيل بريسلينأرنولد شوارتزنيجر...
  • درامارعب
  • هنري هوبسونهنري هوبسون
  • في1 Cinema
تم التقييم بواسطة
Mohamed Hamdy
قيم
قيم الآن
Maggie: بداية قوية ونهاية كئيبة

على الرغم من البداية القوية لفيلم "ماجي" إلا أن نهايته ما كانتش بنفس قوة البداية.. بدأ عرض الفيلم وكان كلنا أمل في أداء مختلف لأرنولد شوارزنجر بطل الفيلم بعيدًا عن تعبيرات الغضب والألم والعنف اللى ما كانش بـ يقدر يعمل غيرها في كل أفلامه.

بالفعل أداؤه التمثيلي مختلف، لكن مش بنفس الاحترافية بتاعة باقي الممثلين المحترفين لأدوار الدراما، من بطولة أبيجيل بريسلين، أرنولد شوارزنيجر، جويلي ريتشاردسون، و جي دي أيفرمور وإخراج هنري هوبسون بـ نشوف قصة البنت المراهقة ماجي اللى كانت بـ تعيش مع أسرتها حياة هادئة، قبل إصابة الكوكب بوباء بـ يحول البشر لكائنات الزومبي اللى بـ تأكل الأحياء وبـ تنقل لهم العدوى وتحولهم لزومبي زيهم.

الحكومة علشان تقدر تعالج الموضوع فرضت حجر صحي بـ يتم وضع المرضى المصابين بمرض الزومبي فيه، الحجر الصحي هو فكرة عزل المرضى عن الناس السليمة علشان يمنعوا انتشار المرض لهم، لكن الحقيقة أنه بـ يتم التخلص من المرضى بعيدًا عن أهلهم اللى بـ يحاولوا في كثير من الأحيان أنهم يخبوا الخبر أو يحاولوا يتستروا على أولادهم لأطول فترة ممكنة.

ماجي مصابة بالعدوى في مرض لا شفاء منه، الاختيارات أمامها -أو بمعنى أصح أمام والدها شوارزنيجر- محدودة جدًا وتكاد تكون منعدمة، الفيلم بـ يصحبنا في رحلة عذاب ما بين أب بـ يشاهد احتضار ابنته وتحولها لمسخ ممكن يضطر يقتلها في أحد الأيام، وبين علاج بـ يقتل ببطء أو عزل المريض علشان يزداد مرضه ويموت يوم بعد يوم.

على الرغم من أن قصة الفيلم تبان كويسة إلا أن تنفيذها على الشاشة كان كئيب وثقيل على النفس خصوصًا مشاهد النهاية اللى مش عاوزين نحرقها عليكم لكنها كانت كئيبة إلى أقصى درجة.

ليه ما حسيناش بالتعاطف مع الفيلم؟ لأننا مش خايفين نتحول لزومبى في يوم من الأيام! لكن لو شيلنا كلمة زومبي وكتبنا أي اسم مرض ثاني.. ساعتها ممكن نشعر بالتعاطف مع ماجي، ونعتقد أن للفيلم إسقاط كبير على بعض الأمراض زي الأيدز مثلًا، خصوصًا في الأجزاء الخاصة بكيفية انتقال المرض ومدى مسئولية المرضى عن إصابتهم.

Maggie فيلم ثقيل وكئيب إلى حد ما.. لو متوقعين تشوفوا شوارزنيجر في فيلم أكشن.. استنوا أحدث أجزاء The Terminator، أما فيلم ماجي… قصة مختلفة تمامًا.

عجبك ؟ جرب

Abraham Lincoln: Vampire Hunter.

نصيحة 360

كان من المفترض أن يكون العرض الأول للفيلم في مهرجان تورنتو السينمائي الدولي في عام 2014، لكن الفيلم سُحب من عروض المهرجان من قبل الشركة المنتجة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح