The Definitive Guide to Living in the Capital , Cairo , Egypt

Man Of Steel

Man of Steel: سوبر مان من جديد

  • أيمي أدامزديان لين...
  • إثارةحركة ومغامرات...
  • زاك سنايدرزاك سنايدر
تم التقييم بواسطة
Mohamed Hamdy
قيم
قيم الآن
Man of Steel: سوبر مان من جديد

الحقيقة أننا من محبي سلاسل الأفلام اللى بـ تتناول قصص الأبطال الخارقين للعادة، على سبيل المثال بات مان وسبايدر مان وطبعًا سوبر مان، إلا أن -الحق يقال- سلسلة سوبر مان كانت مش بـ تستهوينا لدرجة كبيرة، والسبب بالنسبة لنا أننا كنا بـ نشوف شخصية سوبر مان كشخصية خارقة للطبيعة بالولادة، يعنى هو وُلد خارق، وبالتالى ما عندوش أى موهبة تؤهله للقدرات الفذة اللى بـ يتمتع بها، كذلك الأمر بالنسبة لسبايدر مان، لذلك ظل بات مان متربع فى قلوبنا كأفضل Super Hero على مدار التاريخ، لكن Man of steel بدأ يتنافس معانا مؤخرًا على مكانة بات مان فى قلوبنا.

أولا وقبل أى شيء، عاوزين نشير إلى أن مؤلف فيلم Man of steel هو العبقرى كريستوفر نولان مخرج سلسلة أفلام بات مان الشهيرة، بالتالى ده واحد من الأسباب اللى خلتنا نعجب بقصة سوبر مان المرة دى، لأنها مولودة من رحم العبقرى اللى حول سلسلة بات مان من مجرد سلسلة أفلام أكشن إلى ما هو أكثر عمقًا بكثير.

ثانيًا: المرة دى بـ نشوف سوبر مان أو كلارك كِنت بشكل أكثر انسانية من قبل كده، وبـ نشوف أبعاد جديدة ومختلفة للشخصية، وفى واقع الأمر إحنا مش عاوزين نحرق عليكم الأحداث المشوقة للغاية واللى أخرجها زاك سنايدر وقام ببطولتها هنرى كافيل، راسيل كرو وأمى أدامز وغيرهم كثير من النجوم المحبوبين لدى الجماهير.

ثالثًا: التقنية المرة دى كانت مختلفة، وكانت كفيلة بإثارة الانتباه والدهشة لدى الجميع، لأن تقنيات IMAX أصبحت متاحة وبـ تقدم تجربة مشاهدة مختلفة ومتجددة تمامًا عن اللى تعود عليها المشاهد قبل كده، تم توظيف التقنيات دى إلى أقصى درجة لتحقيق أكبر قدر من المتعة والإبهار البصرى للمشاهد، ناهيك عن التقنيات الحديثة والخدع اللى تم توظيفها بدهاء طوال أحداث الفيلم، بالتالى اتحد عنصر الإبهار مع عنصر القصة لصنع عمل بـ نشوفه من  وجهة نظرنا… متكامل.

رابعًا وأخيرًا: Man of steel واحد من الأفلام اللى بـ يظهر فيها مدى قدرة تكامل عدة عوامل من عوامل صناعة الفيلم لتحقيق النجاح المطلوب، الفيلم بالطبع متصدر شباك التذاكر، وبـ نتوقع له الحصول على المركز الأول لفترة طويلة، بالإضافة لإقبال الجماهير على مشاهدة الفيلم فى مصر والدول العربية، هو ده النجاح اللى يستحقه فيلم زى ده… أنتم إيه رأيكم؟

عجبك ؟ جرب

Dark knight أو أفلام باتمان أو سبايدر مان.

نصيحة 360

العرض الخاص للفيلم فى مصر شهد حضور عدد كبير من المشاهير وهم مرتدين عباءة سوبر مان الشهيرة! بعض المشاهير كمان حرص على التقاط صورة مع شبيه سبايدر مان، وبشكل عام يعتبر حفل إطلاق الفيلم فى مصر متميز وبـ يؤرخ لأسلوب جديد للدعاية للسينما فى مصر، فى وقت هى فى أشد الحاجة له.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح