The Definitive Guide to Living in the Capital , Cairo , Egypt

Me Before You

Me Before You: تيمة رومانسية وأحداث عادية.

  • إميليا كلاركبابلو رايبولد...
  • درامارومانسي
  • تيا شاروك
  • في1 Cinema
تم التقييم بواسطة
Mohamed Hamdy
قيم
قيم الآن
Me Before You: تيمة رومانسية وأحداث عادية.

على الرغم من أن بقالنا كتير ماشوفناش أفلام رومانسية، وعلى الرغم من إعجابنا بالفيلم بعد مشاهدتنا التريلر الخاص به، إلا أننا أثناء مشاهدتنا للفيلم حسينا بكتير من الملل، وحسينا أن القصة الرومانسية الجميلة ماقدرش القائمين على الفيلم يحولوها لعمل متميز.. لكن في النهاية يظل فيلم Me Before You  تجربة جميلة مناسبة لكل واحد بيبحث عن فيلم مليان حب.

 

الفيلم من إخراج ثيا شاروك وتأليف جوجو موياس اللي سبق وعملته رواية، ومن بطولة تشارلز دانس، جانيت ماكتير، سام كلافلن، واميليا كلارك. بنشوف قصة الشابة الجميلة (لو كلارك) واللي بتدفعها ظروفها المادية الصعبة للعمل كجليسة لشاب في مقتبل العمر بيتعرض لحادثة صعبة بتخليه معاق ومش قادر يحرك غير رقبته فقط. طبعًا إحنا عارفين إن لازم قصة رومانسية قوية تتطور بين الاثنين، ونبدأ ندخل في فصول وأحداث جديدة مش عاوزين نحرقها عليكم علشان فيه أكثر من خيط تاني بيدخلوا في الأحداث زي قصة صديق لو كلارك واللي بيشعر بالغيرة على حبيبته وعلاقتها اللي بتزيد يوم بعد التاني مع الشاب المعاق.

 

ديكورات الفيلم كانت قوية ومتميزة، والتصوير في مناطق مختلفة خصوصًا المناطق المفتوحة، والمناظر الطبيعية اللي قدمها لنا الفيلم كانت قوية وجميلة في مجملها، على العكس من الموسيقى التصويرية اللي ماكانتش بالقوة اللي كنا متوقعينها، وكان المفروض نشوف موسيقى أقوي وأحلى من كده خاصة أننا بنتفرج على فيلم رومانسي بالأساس.

الناس اللي دموعها قريبة وبتتأثر بأي حدث بقوة ننصحهم ما يشوفوش الفيلم ولو شافوه بلاش يتأثروا بيه قوي إلا لو كان عندهم رغبة قوية في البكاء! لكن نحب نطمنهم أن جرعة التراجيديا في الفيلم مش بتبدأ غير في الربع الأخير من الأحداث.

 

على الرغم من قوة الأداء التمثيلي للأبطال إلا أن مشاهد كثيرة في الفيلم كانت مصدر للملل الشديد.

Me Before You ميزته الوحيدة أنه فيلم رومانسي في وقت اشتقنا فيه لفيلم يكسر حدة أفلام الأكشن والرعب ويقدم ما هو أقوي وأبعد من الكوميديا.

عجبك ؟ جرب

The theory of everything

نصيحة 360

الفيلم يعتبر أول إخراج سينمائي للمخرجة (ثيا شاروك).

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح