The Definitive Guide to Living in the Capital , Cairo , Egypt

رجال بالأسود الجزء الثالث – Men in black 3

Men In Black 3: الناس اللي تحت!

  • بيل هاديرجوش برولين...
  • حركة ومغامراتخيال علمي...
  • باري سونينفيلدباري سونينفيلد
تم التقييم بواسطة
Mohamad Adel
قيم
قيم الآن
Men In Black 3: الناس اللي تحت!

الفيلم ده بـ يرفع
شعار “الناس اللي تحت”، أو بمعنى أوضح “الطبيعة البشرية”
تكسب، طبعًا لسه الجزء ده بـ يهتم بالكائنات الفضائية الغريبة، وبالغزوات المكوكية
الكبيرة للأرض، لكنه في الجزء ده بـ يفكرنا أكثر بالبني آدمين أكثر اللي شغالين في
مهمة بسيطة في كل مرة وهي “إنقاذ كوكب الأرض”!

العميلان
“كاي” و”جاي” اللي لسه متواصلين لحد دلوقتي مع الجمهور، رغم
مرور 10 سنوات على الجزء الأخير من نفس السلسلة (فيلم Men In Black 2 كان عام 2002!) وكمان بتقنية الـ 3D، مازال الشغف القديم للجمهور بـ
“الرجال في الملابس السوداء” وبكل ما يحمله المصطلح ده من عالم غريب
وجديد وموازي لعالمهم الحقيقي.

لو رجعنا بالذاكرة للوراء،
هـ نتذكر أن الجزء الأول من نفس السلسلة هو محاولة العميل “كاي” تجنيد
العميل “جاي”، طبعًا مع القضاء على غزو قادم من الخارج، وفي الجزء
الثاني يحاول العميل “كاي” التنحي عن المنظمة بحالها علشان يرجعه العميل
“جاي” المرة دي، وبرضه ينقذوا الأرض، وفي الجزء الثالث الوضع ما اختلفش
كثير –لازم عميل يرجع زميله– والمرة دي برضه كان العميل “جاي” اللي بـ
يرجع العميل “كاي”، بعد ما قام الوحش “بوريس” بالقفز عبر
الزمن علشان يقضي على العميل “كاي” في عام 1969 –يعني والعميل
“كاي” صغير– قبل ما هو يقضي العميل “كاي” على الوحش “بوريس”
في المستقبل، ويسجنه في القمر.

في الجزء الثالث ده
نفس كل شيء، الكائنات الفضائية الغريبة، ودائمًا الحوار الكوميدي، خاصة في الأجزاء
الخاصة بمحاولات العميل “جاي” محو ذاكرة الناس اللي بـ تشوف الكائنات الغريبة
دي، وبعدها يعطيهم دروس في التربية والأخلاق بطريقته!.. لكن كأن الجزء الثالث ده
بـ يحاول يبعد عن العالم الغريب والعجيب بشكل من الأشكال بدليل رجوعه لعام 1969،
نلاقي الناس لسه بـ تستمتع بحياتها بشكل مختلف، ثقافة الهيبز، موديلات العربيات
القديمة، وبـ يهتموا بمشاهدة انطلاق مركب “أبولو 11” للقمر وكأنه حدث
تاريخي!.. فمثلاً في تتابعات النهاية إحنا كمشاهدين مهتمين بالصراع اللي بـ يدور
بين العميلين “جاي” و”كاي” و”بوريس” الوحش بنسختين
–نسخة مستقبلية ونسخة قديمة– لكن العالم كله مهتم بانطلاق مركب فضائي للقمر، وهنا
المفارقة غريبة جدًا!

علشان كده يفضل
الفيلم مُطعم باللمحات الإنسانية طول الوقت، منها علاقة العميل “كاي”
و”أو”، أو علاقة الصداقة اللي تربط العميلين “كاي”
و”جاي”، وغيرها من العلاقات اللي بـ تؤكد سحر البشر المتفوق على الكائنات
الفضائية وغزواتهم للأرض!

عجبك ؟ جرب

الجزئين السابقين من Men In Black.

نصيحة 360

أحدى الحقائق اللي خالفها الفيلم أنه يوم إطلاق مركبة "أبولو 11" في 15 يوليو عام 1969 ما كانش القمر كامل بالشكل ده زي ما هو كان واضح في الفيلم، لكن كان على العكس تمامًا من كده!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح