The Definitive Guide to Living in the Capital , Cairo , Egypt

Minions

Minions: فيلم للضحك.. وللضحك فقط

  • بيير كوفينجون هام...
  • ثلاثي الأبعادحركة ومغامرات...
  • بيير كوفينبيير كوفين...
  • في1 Cinema
تم التقييم بواسطة
Mohamed Hamdy
قيم
قيم الآن
Minions: فيلم للضحك.. وللضحك فقط

الحقيقة أن شخصيات الـ Minions قدرت تحقق نجاح كبير، و"تعلق" فى عقل المشاهد وتخليه مستني كل مشهد لهم بفارغ الصبر، ويمكن ده كان السبب الرئيسي اللى دفع هوليوود لإنتاج فيلم مستقل للشخصيات دي كنوع من أنواع حصد النجاح ومحاولة إعطاء الفرصة للشخصيات الفرعية الناجحة فى الأفلام للوصول للمشاهد فى وقت أطول وأحداث أكثر تكثيفًا.

من إخراج كايل بيلادا وبيري كوفين –وهو اللى بـ يقوم بصوت المنيونز كمان- بـ نشوف شخصيات المنيونز الشهيرة فى مغامرة جديدة وخاصة بهم المرة دي بالكامل، بأداء صوتي متميز من ساندرا بولوك وجون هام، مايكل كيتون وستيف كاريل وغيرهم.

الفيلم بـ يحكي عن مغامرة المنيونز اللى كل واحد فيهم يتمتع بشخصية مختلفة عن الآخر، واللى بـ يتم استغلالهم من العديد من الأشرار بناء على طيبتهم الشديدة لتحقيق أطماعهم الشرسة.

الفيلم مالوش قصة واحدة مترابطة، لكن ممكن نعتبره مجموعة من الأسكتشات الكوميدية الموجهة بالأساس للأطفال، بدون أى رسائل متفذلكة) للمشاهدين الأكبر سنًا) لكن الفيلم فى إجماله كان ممتع وكوميدي.

الفيلم بـ يبدأ بمشاهد افتتاحية بـ تستعرض لنا نشأة المنيونز، من خلال حقبات تاريخية ومكانية مختلفة، لحد ما يستقر الفيلم على الفترة الحالية اللى بـ تدور فيها الأحداث فى نيويورك فى الستينيات.

عرض الفيلم بأسلوب 3D كان غير مؤثر، وفى رأينا تم الاستعانة به فقط لرفع تكلفة تذكرة السينما وتحقيق مبيعات أكثر، ودي حيلة سيئة جدًا بـ تضايقنا فى كل مرة نتفرج فيها على فيلم ما اتوظفش فيه خصائص العرض ثلاثي الأبعاد بشكل كويس.

باختصار Minions فيلم مناسب جدًا للأطفال أو للكبار اللى عاوزين يرجعوا للطفولة… أسكتشات كوميدية متفرقة مع حبكة ضعيفة إلى حد ما، وجودة صورة أقل من باقى شركات إنتاج الأنيميشن، لكن بأداء صوتي متميز.

عجبك ؟ جرب

.Despicable Me

نصيحة 360

ظهر أول إعلان عن الفيلم بعد نهاية الجزء الثاني مباشرة من Despicable Me وتم وضع فيديو بنهاية الفيلم للتنويه عن الجزء الجديد.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح