The Definitive Guide to Living in the Capital , Cairo , Egypt

Monsters University

Monster University: عندما يدخل الوحوش الجامعة!

  • بيلي كريستالجون جود مان...
  • دراماكارتون...
  • دان سكانلوندان سكانلون
  • في1 Cinema
تم التقييم بواسطة
Mohamed Hamdy
قيم
قيم الآن
Monster University: عندما يدخل الوحوش الجامعة!

الحقيقة أننا فى كايرو 360 حاسين بسعادة نتيجة إقبال المشاهدين من الكبار والصغار على حد سواء على مشاهدة الفيلم، ده بـ يخلينا نقول أن المشاهد المصرى ما أصبحش يدور على الأفلام الهابطة والسلام، وأن الافلام اللى بـ تقدم فكرة جديدة أو بـ ترسم ابتسامة حقيقية على وجوه المشاهدين لسه لها تأثير قوى على دور العرض، يا ريت وجهة النظر دي توصل لصناع الأفلام المصرية اللى لسه بـ يخاطبوا فئة معينة من الجمهور ما شوفناش حد منهم أثناء عرض فيلم النهاردة.

الفيلم بـ يحكى عن مايك وازوسكي (أداء بيللي كريستال) أثناء دراسته الجامعية فى جامعة الوحوش، مع إصراره على فكرة أنه أكثر الوحوش رعبًا، إلى أن يلتقى بجيمس بي سوليفان (أداء جون جودمان) وبـ تحصل بينهم مواجهات دامية بـ تؤدى لطردهم من الجامعة والتحاقهم بعمل واحد علشان تتطور الأحداث اللى مش عاوزين نحرقها عليكم.

مستوى الرسوم الكرتونية كان أكثر من رائع زى ما عودتنا شركات الإنتاج العالمية فى هوليوود، كمان مستوى الألوان مبهر ومبهج إلى أقصى درجة، وكان واضح جدًا تأثر المخرج دان سكانلون بالجو العام الجامعى فى الولايات المتحدة، لكن يشكر له استطاعته تحويل الجو العام الجامعى لما يتناسب مع عالم الوحوش، الأمر اللى أثار إعجاب وضحكات الكبار قبل الأطفال فى دار العرض.

الأداء التمثيلي للأبطال جاء متوافق جدًا مع صورتهم المرسومة، من ناحيتنا إحنا بـ نفضل النسخة المدبلجة للعربية بحكم أنها كانت “مصرية” جدًا وبصوت أبطالنا المصريين اللى بـ نحبهم، لكن ما نقدرش نقول غير أن الأداء الصوتى الأصلى كان لا يقل جمالاً أو “طزاجة” عن الأداء المصرى، على العموم بـ نتوقع صدور نسخة مصرية قريبًا.

فيلم Monster University يصلح لكل أفراد الأسرة، ومناسب للأطفال والكبار على حد سواء، ننصحكم بمشاهدته خصوصًا لو كنتم من عشاق سلسلة مغامرات الوحوش الفانتازية.

عجبك ؟ جرب

Monster inc. أو النسخة العربية المدبلجة: شركة المرعبين المحدودة.

نصيحة 360

نسبة إقبال المشاهدين الكبار والصغار على حد سواء للفيلم بـ يعطينا انطباع جيد عن تغير ذوق المشاهدين واهتمامهم بأفلام الأنيميشن اللى بـ ترسم الابتسامة على وجوه الجميع بلا ابتذال، نتمنى صدور نسخة مدبلجة للعربية بنفس مستوى احترافية النسخة الأولى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح