The Definitive Guide to Living in the Capital , Cairo , Egypt

Mother’s Day

Mother’s Day: فيلم خفيف شوفه مع ست الحبايب في الويك إند

  • تيموثي أوليفانتجوليا روبرتس...
  • دراماكوميدي
  • جاري مارشالجاري مارشال
  • في1 Cinema
تم التقييم بواسطة
Mohamed Hamdy
قيم
قيم الآن
Mother’s Day: فيلم خفيف شوفه مع ست الحبايب في الويك إند

إحنا ممكن نلخص موضوعنا هنا في الكلام عن عظمة الأم وعظمة الدور اللي بتلعبه في حياتنا، وأن من غيرها فعلًا حياة البشر كلها كانت هتكون أصعب، الأم هي جهاز عطاء شغال على مدار الساعة، في صمت وإنكار ذات مش موجود عند حد تاني، وبمناسبة عيد الأم الأمريكي تم إصدار فيلم Mother's Day واللي يعتبر إهداء لكل أم في عيدها.

من تأليف توم هاينز وإخراج جاري مارشال وبطولة جينفر أنستون وجوليا روبرتس وكيت هيدسون، بنشوف قصة مجموعة من الأمهات  من أجيال مختلفة بيجتمعوا في مكان واحد يوم عيد الأم، اللقاء واللي بيحصل قبله وبعده بيفجر مجموعة من المواقف الكوميدية والرومانسية على حد سواء، واللي بنعرف من خلالها قيمة الأم في حياتنا وأهمية دورها اللي بتلعبه على اختلاف الأجيال.

على الرغم من أن الفيلم عن الأمهات والعلاقة بينهم وبين الأبناء، حسينا بقد إيه المجتمع الأمريكي بيعاني من مشاكل كتير، زي مثلًا مشكلة الـ Single Mothers وهى الأمهات اللي بتضطر تلعب دور الأب والأم في حياة الأبناء لغياب الأب بسبب الطلاق أو أي مشاكل تانية، والحقيقة إننا بعد تفكير حسينا أن المشاكل دي مش بس موجودة عند الغرب بس، مجتمعاتنا العربية كمان بتعاني من نفس المشاكل.

على الرغم من الأسامي القوية جدًا في الفيلم، إلا أن الأداء التمثيلي كان قريب أكتر من منطقة الفيلم الخفيف اللي مش عاوز يقدم أكتر من شوية كوميديا وشوية رومانسية وطبعًا شوية تراجيديا خاصة في الربع الأخير من الفيلم.

زي ما قولنا التمثيل ما كانش بنفس قوة الأسماء المشاركة خاصة من جوليا روبرتس واللي كان ظهورها أشبه بضيفة الشرف، أما جينفر أنستون فقدرت تلفت انتباهنا بقدرتها على الحفاظ على شكلها ورشاقتها على الرغم من تقدمها في السن.

الموسيقى التصويرية كانت جميله لكن ما حسيناش أنها علقت في ذهننا بعد مشاهدة الفيلم، على العكس من الديكورات اللي كانت جميلة ومريحة للأعصاب وزوايا التصوير اللي لعبت دور مهم في عدم احساسنا بالملل علي الرغم من تسرب الملل لينا في بعض المشاهد النهائية للأحداث.

Mother's Day  فيلم عارف كويس هو بيقدم إيه.. شوية حاجات خفيفة بمناسبة عيد الأم وتكون المحصلة النهائية فيلم متوسط ممكن تشوفه مع ست الحبايب في الويك إند.

عجبك ؟ جرب

فيلم  Erin Brockovich

نصيحة 360

الفيلم يعتبر التعاون الرابع بين كل من الممثلة (جوليا روبرتس) والمخرج (جاري مارشال) والتعاون الخامس بين كل من الممثلة (جينفر أنستون) والممثل (جيسون سوديكس) والتعاون الثاني بين كل من الممثلة (جينفر أنستون) والممثلة (بريت روبرتسن).

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح