The Definitive Guide to Living in the Capital , Cairo , Egypt

Ouija

Ouija: فيلم رعب متوسط القوة

  • آنا كوتوأوليفيا كووك...
  • رعب
  • ستايلز وايتستايلز وايت
تم التقييم بواسطة
Mohamed Hamdy
قيم
قيم الآن
Ouija: فيلم رعب متوسط القوة

فيلم ويجا Ouija من نوعية الأفلام اللي التريلر بتاعها بـ يعطي إيحاء للمشاهدين أنه بـ يقدم لهم أقوى فيلم رعب فى الموسم كله، لكن عند مشاهدة الفيلم بالكامل بـ نكتشف أن التريلر كان خادع جدًا، وأن الفيلم مش بـ يقدم أكثر من عدد كبير ومتوالي من مشاهد “الخض” اللي بـ تخلينا ننط من الكرسي فى الدقائق الأولى للفيلم ثم نتحول لحالة كبيرة من الملل بعد كده لما جهازنا العصبي يتكيف مع أحداث الفيلم.

من تأليف وإخراج ستيلز وايت وبطولة أوليفيا كوك ودارين كاجسوف وآخرين، بـ نشوف قصة مجموعة من الشباب اللي بـ يلعبوا لعبة الويجا، وللعلم لعبة الويجا حقيقية وبـ تتكون من لوحة ومؤشر بـ يمسكه مجموعة من الأشخاص، واللوحة مكتوب عليها حروف الأبجدية كاملة وكلمتي Yes وNo ومع إتمام طقوس استدعاء الروح بـ يبدأ المؤشر في الحركة على الحروف مكونة الكلمات.

اللوح السحري أثار ولازال بـ يثير ضجة بين رجال العلم والطب من ناحية ورجال السحر وأمور ما وراء الطبيعة من ناحية ثانية، فبينما بـ يؤكد رجال ما وراء الطبيعة أن اللوح حقيقي واستدعاء الروح بـ يتم فعلًا، بـ يتهمهم رجال العلم بالتخريف وأن المؤشر بـ يتحرك بناء على التأثير النفسي على الأفراد اللي ماسكينه.

نرجع للفيلم، زي ما قولنا الفيلم بـ يختصر الرعب في قدرة صناعه على مفاجأة الجهاز العصبي للمشاهدين بمشاهد سريعة وأصوات مرعبة بـ تحصل فجأة بعد السكون، الأمر اللي بـ يعتبره المشاهدين الأصغر سنًا أو المراهقين رعب، لكن بالنسبة لنا بـ نعتبر ده جزء بسيط من اللي المفروض يحتويه فيلم الرعب الحقيقي.

طبعًا بالحديث عن نوعية الفيلم كان لازم يكون للمؤثرات الصوتية والبصرية دور البطولة مع الأبطال، بالإضافة للمشاهد المُصنعة بواسطة الكمبيوتر والجرافيكس، لكن المشاهد الأخيرة ما كانتش بالقوة اللي كنا نتوقعها.

لو كانت فعلًا المشاهد المفاجئة بـ ترعبكم، ولو كنتم عاوزين تشوفوا أي فيلم رعب في الهالوين والسلام يبقى ننصحكم بمشاهدة فيلم “ويجا”، أما لو كنتم من المشاهدين “التُقال” وبـ تعرفوا تقدروا قيمة أفلام الرعب الحقيقية، ننصحكم توفير أموالكم ووقتكم لفيلم أكثر تأثيرًا ورعبًا. 

عجبك ؟ جرب

النسخة العربية من الفيلم اللي بـ يحمل نفس الاسم من إخراج خالد يوسف.

نصيحة 360

الفيلم حصل على تقييم 4.5 من 10 من خلال أصوات حوالي 3000 مستخدم لقاعدة البيانات الدولية للأفلام على الإنترنت IMDB، وهو تقييم ضعيف جدًا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح