The Definitive Guide to Living in the Capital , Cairo , Egypt

Planes

Planes: إعادة إنتاج المعجزة

  • دان كوكستايسي كيتش...
  • ثلاثي الأبعادكارتون
  • كلاي هالكلاي هال
تم التقييم بواسطة
Mohamed Hamdy
قيم
قيم الآن
Planes: إعادة إنتاج المعجزة

على الرغم من قدرتها على تقديم المعجزات من وقت لآخر إلا أن هوليوود وبيكسار أنيميشن وديزني وغيرها من شركات إنتاج أفلام الأنيميشن بـ تحاول من وقت لآخر إعادة تقديم المعجزات دي من خلال تيمات أفلام محفوظة ومضمونة النجاح.

من إخراج كالي هال بـ نتابع على مدار حوالى 90 دقيقة محاولة أحد الطائرات تحقيق حلمها فى الدوران حول العالم من خلال مسابقة مشهورة على الرغم من معاناتها من حالة خوف كبير من المرتفعات!

فكرة الطائرة المصابة بخوف الارتفاعات والأماكن العالية كانت جميلة وأثارت موجة من الكوميديا فى الفيلم بشكل عام، لكن فكرة الكائنات الجمادية اللى لها القدرة على الإحساس والشعور والكلام والتفاعل مع الآخرين “اتهرست” فى ألف فيلم قبل كده على حسب تعبير أحد أبطال فيلم “لا تراجع ولا استسلام” اللى قام ببطولته أحمد مكي وماجد الكدواني.

مستوى الرسومات وتقنيات التحريك كان أكثر من رائع، لكن يبدو أن ده أقصى ما يمكن أن توصل له أفلام إنتاج الأنيميشن فى الوقت الحالى لأننا ما حسيناش باختلاف تقنى كبير عن باقي أفلام هوليوود للأنيميشن، كلنا عارفين أن مجال الرسوميات وإنتاج أفلام الكارتون مر بنقلة تقنية كبيرة بعد ظهور شركة بيكسار أنيميشن فيها وسيطرتها على قطاع كبير من المجال التقنى فى المجال ده.

الأداء الصوتي للأبطال دانى كوك، ستيستى كيتش، براد جريت وتيرى هاتشر وغيرهم كان أكثر من ممتاز، كمان الموسيقى التصويرية تم توظيفها بشكل أكثر من رائع لخدمة أهداف الفيلم اللى بـ يتكلم عن الأحلام وضرورة كسر الخوف والتغلب على كل المشكلات اللى بـ تواجهنا علشان نحقق أهدافنا مهما كانت بسيطة أو غير مهمة للآخرين.

Planes فيلم مناسب للأطفال لو عاوز تسيبهم شوية لحد ما تأخذ جولة فى المول أو تأكل وجبة سريعة فى المطعم، لكن إحساسنا العام عنه أنه فيلم مكرر ومنسوخ من فيلم -أو مجموعة أفلام- أنيميشن أسطورية.

عجبك ؟ جرب

Cars.

نصيحة 360

على قاعدة البيانات العالمية للأفلام حصل الفيلم على إجمالي أصوات 5.2 من 10 من إجمالي حوالي 6 آلاف مشاهد للفيلم، وهو تقييم منخفض إلى حد ما.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح