The Definitive Guide to Living in the Capital , Cairo , Egypt

أفلام
مملكة الشر: الجزاء – Resident Evil: Retribution

Resident Evil: Retribution: الفيلم الفيديو جيم

  • شون روبرتسكيفين دوراند...
  • ثلاثي الأبعادحركة ومغامرات...
  • بول أندرسونبول أندرسون
  • في1 Cinema
تم التقييم بواسطة
Mohamed Hamdy
قيم
قيم الآن
Resident Evil: Retribution: الفيلم الفيديو جيم

إحنا ليه بـ نخاف
من سلاسل الأفلام؟.. علشان
مستواها الفنى بـ يفضل يتناقص مع كل مرة بـ يتم تقديم جزء جديد منها، قد يحالف
المخرج الحظ فـ يقدم جزء أو
اثنين بنفس القوة، لكن بالتأكيد عند مرحلة
ما هـ يبدأ فى الانحدار، وهـ يفقد القدرة على تقديم جديد.. هو ده
اللى حصل مع الجزء الخامس من سلسلة “مملكة الشر”.

بأسلوب ألعاب
الفيديو السخيفة بـ يقدم لنا المخرج والسيناريست
بول أندرسن المستنسخة أليس (ميلا جوجوفيتش) اللى بـ تحاول تنقذ الأرض
من سيطرة أحد الشركات بمساعدة عدد من البشر اللى بـ يمثلوا آخر
القوى المكافحة للشر على الكوكب.

المشاهد
الافتتاحية للفيلم بـ تحكى عن ملخص الأجزاء السابقة من السلسلة، وإزاى أليس
قدرت تواجه قوى الشر على مدار أربعة أجزاء
سابقة، وبصراحة إحنا
مش بـ نحب نوعية أفلام
البطل الواحد القوى والقادر على كل شىء، وده اللى بـ تعكسه
سلسلة أفلام
“مملكة الشر”
على الرغم من ظهور أبطال مساعدين فى
الجزء الخامس، إلا أن
دورهم مش بـ يكون حيوى أو
مؤثر بقدر التركيز على أليس.

مشاهد
الأكشن تم إخراجها
بشكل أقرب لألعاب
الفيديو، لدرجة أن الفيلم كان مُقسم بحيث تواجه أليس
أكثر
من خطر فى أكثر
من مستوى، وفى نهاية كل مستوى تقابل تهديد كبير تمامًا
زى ألعاب الفيديو جيم، وما كانش ناقص غير أن
دور العرض توزع على المشاهدين أدوات لعب مع كاميرات الـ 3D علشان يحركوا الممثلين كمان.

الموسيقى
ما خدمتش الفيلم كويس رغم اجتهاد القائمين عليها، لكن الديكورات كانت جميلة وجديدة بالنظر إلى أننا
بـ نتكلم عن لعبة
فيديو جيم متنكرة فى شكل فيلم طبعًا.

الجانب
الإنسانى كان جميل جدًا رغم أنه
كان صغير وما تمش التركيز على العلاقة العاطفية بين أليس
وبين ابنتها (أو
البنت اللى المفروض أنها
بنتها) خلتنا نحس قد إيه فيه تضاؤل فى الحياة العاطفية
فى حياتنا، وأننا بـ نتحول
لنسخ شبه بعضها زى النسخ البشرية اللى شافتها أليس فى المصنع.

باختصار.. “مملكة
الشر” (الجزء
الخامس) فيلم يعجبك لو أنت متابع السلسلة كلها أو
بـ تحب أفلام
الفيديو جيم العنيفة.. غير كده ننصحك تشوف
فيلم ثانى.

عجبك ؟ جرب

باقى أجزاء سلسلة "مملكة الشر".

نصيحة 360

الفيلم هو الخامس من سلسلة من الأفلام وألعاب الفيديو جيم اللى انتشرت بشكل كبير السنين اللى فاتت وحققت نجاح كبير.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح