The Definitive Guide to Living in the Capital , Cairo , Egypt

Riddick

Riddick: رجل المستحيل يظهر فى السينمات

  • فان ديزلكاتي ساخوف...
  • إثارةحركة ومغامرات
  • ديفيد تووهيديفيد تووهي
  • في1 Cinema
تم التقييم بواسطة
Mohamed Hamdy
قيم
قيم الآن
Riddick: رجل المستحيل يظهر فى السينمات

الانطباع الوحيد اللى خرجنا به من Riddick أننا كنا بـ نشوف أحد ألغاز رجل المستحيل وقد تحول لفيلم تليفزيونى! إحنا مش ضد رجل المستحيل طبعًا ومش ضد أننا نشوف الأسلوب ده فى الأكشن، لكن المبالغة فيه والخروج بشخصية “ريديك” من صفات البشر الطبيعيين إلى صفات ما يشبه آلهة الحرب أعطانا انطباع عام بالمبالغة وعدم الموضوعية!

المشاهد الافتتاحية للفيلم بـ تعرفنا إزاى وصل ريديك للكوكب الموجود فيه حاليًا، كوكب أحمر بشمس قوية وكائنات حيوانية متوحشة لا تعرف الرحمة، فى طريقه للخروج من الكوكب بـ يضطر ريديك يطلب استغاثة من الكواكب المحيطة، بـ يوصل للمكان فريقين من المرتزقة كل مهمتهم فى الحياة أنهم يخلصوا من ريديك.

المؤثرات البصرية والخدع كانت سيئة للغاية رغم المحاولات القوية من المخرج ديفيد توهى أنه يخليها أحسن، كان واضح جدًا شغل الكمبيوتر فى الحيوانات وصراعها مع ريديك، وفى العواصف الترابيه والظروف المناخية للكوكب، كنا طوال الوقت حاسين أننا فى فيديو جيم مش فى فيلم!

الواقع أننا طوال الفيلم مش بـ نشوف فان ديزل اللى قام بدور ريديك إلا فى مشاهد قليلة أو متوسطة العدد، طوال الوقت كان مستخبى من فرق المرتزقة وكان بـ يتفنن فى قتلهم واحد وراء الثانى من بعيد لبعيد باستخدام الحيل الذكية والجريئة، وبـ نشوف طوال الوقت صراعات بين رجال المرتزقة اللى بـ يتزعمهم (جوردى موالا) اللى قام بدور سانتانا الشرير الغبى اللى بـ يستغله ريديك لتحقيق أهدافه والوصول لغرضه، نفس أسلوب أدهم صبرى رجل المستحيل فى الألغاز اللى كنا بـ نقرأها زمان.

مش بـ نشوف ريديك فى مشاهد أكشن حقيقية غير فى الربع الأخير من الفيلم، لما بـ يتولى مسئولية مهاجمة حيوانات شرسة أشبه بالأسماك على أرض كوكب غريب، ثم بـ نشوف كثير من الجرافيكس والخدع والانفجارات… إلخ قبل ما يخرج ريديك منتصر على كل الأشرار وملتزم بكل الوعود وما وقعش فى غلطة واحدة!

بشكل عام لو أنت أصلاً من عشاق شخصية ريديك يبقى الفيلم هـ يعجبك، أما لو بـ تدور على أكشن حقيقي وخدع أفضل من كده -زى معظم رواد السينما اللى خرجوا متضايقين من الفيلم- يبقى ننصحك تشوف فيلم ثانى.

عجبك ؟ جرب

باقى أجزاء سلسلة Riddick.

نصيحة 360

لما تأخر تمويل البنك لإنتاج الفيلم قرر فان ديزل تمويل الفيلم من فلوسه الشخصية لحين الحصول على القروض أو التمويلات البنكية اللازمة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح