The Definitive Guide to Living in the Capital , Cairo , Egypt

Ronin 47

Ronin 47: فيلم عن التضحية

  • تادانوبو أسانوجين أكانشي...
  • حركة ومغامراتفانتازيا
  • كارل رنسشكارل رنسش
  • في1 Cinema
written by
Mohamed Hamdy
قيم
قيم الآن
Ronin 47: فيلم عن التضحية

تيمات الأفلام ثابتة مش بـ تتغير، بمجرد ما يعرف المؤلف والمخرج التيمة يقدروا يقدموا عدد لا نهائى من القصص على نفس التيمة، تيمة مجموعة الأشخاص اللى بـ يجمعهم غرض واحد هو الانتقام أو أداء وظيفة عنيفة معينة تم تقديمها أكثر من مرة فى أفلام أجنبية أو حتى عربية، زى فيلم شمس الزناتى على سبيل المثال اللى تم اقتباس قصته عن فيلم أجنبى هو The Magnificent Seven اللى تم إنتاجه سنة 1960 وهو كمان مقتبس من فيلم يابانى قديم بعنوان “ساموراى 7″، ده يعرفنا أن تيمة الانتقام من أكثر التيمات اللى عليها إقبال من المخرجين والمؤلفين.. والجمهور.

Ronin 47 بـ يحكى عن مجموعة من مقاتلى الساموراى الشجعان على رأسهم الفنان كيانو ريفز بـ يجمعهم هدف الانتقام وبـ يوحد جهودهم طوال أحداث الفيلم اللى بـ يتمتع بدرجة عالية من الإثارة قدر المخرج كارل رينش أنه يستخدم كل أدواته المتاحة له كمخرج علشان يوصل للمستوى ده من الإثارة والخيال.

زى ما قولنا.. كل عناصر الفيلم كانت موظفة لصالح القصة والإبهار، الديكورات كانت معبرة عن المجتمع اليابانى وتقاليد الساموراي، الموسيقى التصويرية كانت مستوحاة من نفس البيئة العامة اللى ساعدت عليها الديكورات، حتى الملابس والعادات والتقاليد وحتى أداء الفنانين نفسهم كان بـ يعبر عن الحالة اللى عاوز المخرج والمؤلف يوصلها للمشاهدين، ده أدى لحالة من الاندماج والتصديق من المشاهدين للأحداث بمجرد بداية الفيلم.

ساعد على إثراء الفيلم المؤثرات الخاصة والوحوش الغريبة اللى تم دمجها فى الأحداث، بعض المشاهدين كان عندهم مشاعر بالخوف فى بعض لقطات الفيلم وساعد على دخولهم فى جو الفيلم الأداء التمثيلى الممتاز لكيانو ريفز اللى كلنا فاكرينه من أيام سلسلة أفلام ماتريكس اللى أطلقت شهرته عالميًا وأمريكيًا فى نفس الوقت، حتى القائد اليابانى أوشى (الفنان اليابانى هيروكي سانادا) قدر يجسد شخصيته بأداء يحسب عليه ويجبرنا على لفت نظرنا لنجوم ثانية بعيدًا عن الاحتكار الهوليوودى لعالم الفن اللى بـ تساعد عليه دور العرض المصرية فى الاكتفاء بتقديم الأفلام الهوليوودية بعيدًا عن تسليط الضوء على نوعيات وجنسيات ثانية من الأفلام وكل ده بغرض واحد: المكسب!

Ronin 47 فيلم أكشن درامى قوى ننصحكم تشوفوه فى ظل موسم سينمائى مشتعل بأفلام قوية وقصص أكثر قوة.

عجبك ؟ جرب

فيلم 300 

نصيحة 360

نفس أسلوب القصة دى تم تقديمه فى عدة أعمال هوليوودية وعالمية وحتى مصرية، أفلام زى "ساموراى 7" و"العظماء السبعة" وغيرهم كانت بـ تقدم أفكار مشابهة لقصة الفيلم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح