The Definitive Guide to Living in the Capital , Cairo , Egypt

Runner, Runner

Runner Runner: الملل قضى على الفكرة

  • بن أفليكجاستن تيمبرليك...
  • إثارةدراما
  • براد فورمانبراد فورمان
  • في1 Cinema
تم التقييم بواسطة
Mohamed Hamdy
قيم
قيم الآن
Runner Runner: الملل قضى على الفكرة

فكرة أنك تقدم فيلم عن شبكات المقامرة الدولية اللي بـ تشتغل عن طريق الإنترنت، وطرق النصب اللي بـ تمارسها على اللاعبين، وطرق التحايل على القانون الأمريكى لفتح المواقع دي واستمرارها مفتوحة على الإنترنت، كل العالم ده عالم ثري جدًا وممكن نخرج منه بعدة أفلام متميزة ومثيرة جدًا، لكن براد فورمان مخرج العمل قرر أنه يخرج علينا بفيلم ممل و”مفبرك” فى كثير من تفاصيله، علشان يحقق أرباح متوسطة والسلام، وبالتالي باظ كل شيء.

المخرج براد فيرمان بـ يقدم الممثل بين أفليك فى دور قائم على مجموعة نوادى قمار وهمية على الإنترنت، بـ يقدر يجتذب أحد الشباب ويقنعه أنه يسيب دراسته ويشتغل معاه، ومن هنا بـ تبدأ مجموعة من المفارقات اللي المفروض تكون مليئة بالأكشن والمغامرة، إلا أن الحقيقة أن الإيقاع كان رتيب قوى لدرجة أننا كنا متوقعين معظم الأحداث وما حسيناش بأى مفاجأة حتى فى أكثر المشاهد تشويقًا وإثارة.

الموسيقى التصويرية كان لها دور متوسط فى الفيلم، كانت حماسية إلى حد ما لكن برضه ما كانتش بالقوة اللى كنا متصورينها، وبما أننا بـ نتكلم عن المقامرة والعالم السرى لها فلابد نفتكر ونقارن بين الفيلم وبين فيلم “21” إنتاج 2008 واللى يتفوق على فيلم Runner Runner بشكل لا يدع مجالاً للمقارنة من الأساس!

الديكورات قدرت تظهر مستوى عالى من الثراء، ومستوى صعب من الفقر فى مشاهد ثانية وده شىء يحسب لها، لكن ما عجبناش المشاهد الجنسية ومشاهد العرى اللى كانت كثيرة لدرجة مقززة واللى تمنعنا نرشح الفيلم لأى مشاهدة عائلية، والأسوأ أنها فى رأينا كانت محشورة للإثارة بدون أى مبرر درامي للأحداث!

المقامرة لعبة مش كويسة.. لكن لو عندك الذكاء والقدرة على النفاذ لمجتمع الإجرام، هـ تقدر تحقق منها مبلغ كويس، وتتزوج البنت الجميلة وتهرب معاها فى طيارة خاصة كمان! هى دى الرسالة اللي بـ يحاول الفيلم يقولها على مدار حوالي ساعة ونصف من التشويق والإثارة!

عجبك ؟ جرب

فيلم "21" إنتاج 2008.

نصيحة 360

نقدر نقول أن الفيلم "للكبار فقط" رغم أن ما تمش كتابة ده على الأفيش بشكل رسمي، لكن تصنيف الفيلم فى الولايات المتحدة وكثير من مشاهد العنف والجنس بـ تخلينا ما نرشحش الفيلم للمشاهدة العائلية بأي حال من الأحوال.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح