The Definitive Guide to Living in the Capital , Cairo , Egypt

Rush

Rush: فيلم سباقات مختلف

  • أوليفيا وايلددانيال بروهل...
  • حركة ومغامراتدراما
  • رون هاوردرون هاورد
تم التقييم بواسطة
Mohamed Hamdy
قيم
قيم الآن
Rush: فيلم سباقات مختلف

الحقيقة أننا مش بـ نحس بحماس حقيقى للأفلام اللى بـ تناقش رياضة معينة، لأننا لازم نكون على دراية بقواعد وقوانين الرياضة، والأهم: أننا لازم نكون من محبى الرياضة نفسها علشان نقبل نقعد حوالى ساعتين فى متابعة حدث متعلق بها، لكن فيما يتعلق بفيلم Rush الوضع كان مختلف شوية، لأن المخرج رون هاورد حاول يروح لما هو أبعد من مجرد فيلم بـ يتكلم عن رياضة مسابقات السيارات إلى العلاقات الاجتماعية والإنسانية بين الأشخاص، الموضوع اللى يدفع أى شخص حتى لو مش محب للرياضة أنه يتابع الفيلم ويعجبه.

الفيلم اللى بـ يقوم ببطولته كريس هيمسورث ودانيال بروهل وغيرهم من الفنانين بـ يحكى عن عالم سباقات فورملا 1 من خلال منافسة شديدة بين اثنين من ملوك الرياضة دى، واللى بـ يستعد أى واحد فيهم للتضحية بكل عزيز وغالى فى مقابل الحصول على لقب بطل العالم.

الإبهار كان عنصر أساسي فى الفيلم، خصوصًا حركة الكاميرا الاحترافية اللى قدر من خلالها المخرج أنه يحطنا فى جو السباقات العنيف واللى بـ تتوقف فيه مصائر النتائج كلها على جزء من جزء من الثانية فى كثير من الأحيان.

زى ما قولنا الإبهار كان عليه عامل قوى على إحساس المشاهد بالاندماج فى الأحداث والتصرف كمشجع محترف للرياضة دى، أو حتى كأحد المشاركين فى السباقات فى بعض المشاهد، وشوفنا حركات أكروباتية للكاميرا حولت بعض الكادرات لتحف فنية ساعد عليها الموسيقى التصويرية الحماسية اللى ساعدت على دخول المشاهد فى جو الأحداث من أوسع أبوابه.

الحوار كمان كان من العناصر المميزة فى الفيلم، تقريبًا كل جملة حوارية كان لها مغزى مهم فى الفيلم، وكان واضح من الأحداث أن السيناريو كُتب بمستوى عالى من الاحترافية وبقدر كبير من التفرغ والاهتمام.

Rush يعتبر واحد من الأفلام الرياضية القوية، عن رياضة لها محبيها خارج وداخل مصر، لكل عشاق رياضات السرعة هـ يحسوا أنه الفيلم المثالى بالنسبه لهم. أما محبى الأفلام الرومانسية الهادئة ننصحهم بالبحث عن فيلم آخر.

عجبك ؟ جرب

Getaway.

نصيحة 360

سباق الفورميلا 1 اللى حصل عام 1976 وتم التعرض له فى الفيلم، كان آخر سباق تنظمه فورميلا 1 فى ألمانيا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح