The Definitive Guide to Living in the Capital , Cairo , Egypt

أفلام
Saving Mr. Banks

Saving Mr. Banks: لعشاق السيرة الذاتية

  • إيما طومسونإيميلي بلانت...
  • دراماكوميدي
  • جون لى هانكوكجون لى هانكوك
  • في1 Cinema
تم التقييم بواسطة
Mohamed Hamdy
قيم
قيم الآن
Saving Mr. Banks: لعشاق السيرة الذاتية

قصة والت ديزني عبقري الرسوم المتحركة من القصص اللى بـ تكون سبب إلهام لكثير من المخرجين والمؤلفين، سواء لاقتباسها بشكل كامل فى أحد الأعمال، أو حتى للتعرض لبعض مقاطعها وتسليط الضوء عليها.

يعتبر الفيلم من الأفلام الجميلة لمحبى افلام السيرة الذاتية ، اللى بتحكى عن اشخاص حقيقية وقصة حياتهم ولقطات من أهم المحطات اللى تعرضوا لها فى حياتهم، لأن الفيلم بـ يحكي عن والت ديزنى (توم هانكس) ومحاولته إقناع باميلا ترافرز (إيما طومسون) فى تحويل قصة كتبتها لفيلم رسوم متحركة غنائى.

الفيلم بـ يعرض الاختلافات بين نمط الحياة الأمريكى والبريطانى، الاختلافات دى بـ تكون محط سخرية واهتمام حتى اليوم، وإلى حد ما بـ يتم التعبير عن الشخصية البريطانية كشخصية أكثر محافظة من الشخصية الأمريكية وأقل ميلاً للمرح والفكاهة.

كمان بـ نشوف مشاهد “فلاش باك” لأسلوب حياة باميلا ترافرز وتعلقها الشديد بوالدها ومن ثم وفاته اللى أثرت فيها تأثير كبير، بالإضافة لكثير من التفاصيل اللى مش عاوزين نحرقها عليكم لما تشوفوا الفيلم اللى بـ يعتبر مباراة فى التمثيل أكثر منها مباراة على مستوى الأحداث.

المخرج جون لى هانكوك استعمل الديكورات والموسيقى التصويرية كأفضل ما يكون لتوصيل رسالة الفيلم الأساسية، بـ نشوف ديكورات بـ تنقلنا للستينيات حيث تدور أحداث الفيلم، أما الموسيقى التصويرية المعتمدة فى كثير من الموضوعات على الأغانى فساهمت فى نقل المشاهد لجو الأحداث زمنيًا ومكانيًا على حد سواء.

Saving Mr. Banks فيلم مناسب لو كنت من عشاق أفلام السيرة الذاتية، أو لو كنت زينا من اللى بـ يحبوا يشوفوا النجم توم هانكس تحت أى ظرف وفى أى فيلم.

عجبك ؟ جرب

Captain Philips.

نصيحة 360

عرض الفيلم فى مهرجان لندن السينمائى فى أكتوبر 2013.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح