The Definitive Guide to Living in the Capital , Cairo , Egypt

أفلام
Skyfall 007

Skyfall: الخروج الآمن من عباءة بوند

  • جودي دينشدانيل كريج
  • إثارةحركة ومغامرات
  • سام مينديسسام مينديس
  • في1 Cinema
تم التقييم بواسطة
Mohamed Hamdy
قيم
قيم الآن
Skyfall: الخروج الآمن من عباءة بوند
فى الواقع، الفيلم يستحق أربع نجوم من خمسة، لكن هـ نعطي له نجمة خامسة بسبب قدرة صناع الفيلم -وعلى رأسهم المخرج سام ميندس- على الخروج من عباءة الأفلام التقليدية لجيمس بوند بشكل سلس ومريح، عجب المشاهد المتيم بالسلسلة اللى بـ تعتبر واحدة من أطول السلاسل الناجحة فى التاريخ السينمائى، وجذب شريحة جديدة من المشاهدين اللى متوقعين الخروج من الشكل التقليدى للعميل 007.

أول أشكال الخروج الآمن أننا بـ نشوف بوند بـ يحارب داخل آراضى المملكة المتحدة ودفاعًا عنها، وده شىء جديد لأن السلسلة دائمًا كانت بـ تأخذنا لأراضى خارج المملكة زى الصين أو أمريكا أو حتى مصر فى بعض الآحيان، أما عشاق بوند بشكله التقليدى هـ يشوفوا مطاردات جديدة ومختلفة فى شنغهاى وتركيا اللى بـ تعتبر سوق جذب مثالى لتصوير أفلام هوليود، ولا عزاء لأم الدنيا.

ثانى أشكال الخروج الآمن تتمثل فى المعدات اللى بـ يستعملها بوند، تعودنا على الأقلام المتفجرة والأسلحة غير التقليدية، لكن المرة دى بوند بـ يخوض معركته باستخدام مسدس تقليدى وجهاز تحديد المواقع، أجهزة ممكن نتوقع وجودها مع ضباط المرور المصريين أكثر ما نتوقع وجودها مع العميل الوحيد المصرح له بالقتل خارج حدود المملكة البريطانية العريقة، لكن لو كنت من عشاق معدات بوند غير التقليدية هـ تلاقيها فى السيارة اللى بـ تظهر فى النصف الأخير من الفيلم.
إحنا مش بـ نحب دانيل كريج كممثل، ودائمًا حاسين أنه من “أبرد” الشخصيات اللى قامت بدور بوند، لكن شهقات البنات اللا إرادية وتهافتهم على التقاط صور مع البوستر المجسم للفيلم عرفنا أن الموضوع مش بالبرود اللى كنا متوقعينه، ولو داخل الفيلم مع صاحبتك أو خطيبتك لازم تضبط فيوزات غيرتك على أقل مستوياتها علشان الخروجة ما تتحولش لخناقة.. وممكن تقضى كام يوم فى الجيم لو عاوز تنافس كريج فى شخصية بوند.
الشرير المرة دى كان له طعم مختلف من خلال أداء جافير باردوم اللى قدم الشخصية بعمق نادرًا ما بـ نشوفه فى شخصيات الشرير فى أفلام بوند.
مش عارفين التواجد النسائى المرة دى كان ضعيف، ولا مقص الرقابة المصرية كان حامى على الفيلم المصنف أمريكيًا للمشاهدين أنه للأكبر من ١٣ سنة، لكن بشكل عام البطولة الأهم كانت لجودى دنش فى دور “إم” اللى دائمًا كان بـ يأخذ شكل أكثر هامشية فى باقى الأفلام.
المؤثرات والخدع خصوصًا التتر المعروف لأفلام بوند كانوا أكثر من رائعين، والمعادلة السينمائية بشكل عام كانت مرضية للجميع… تفتكروا عاوزين نشوف جزء جديد من السلسلة بشكلها الجديد؟ منتظرين رأيكم فى التعليقات.

عجبك ؟ جرب

Casino Royal, Mission Impossible 3.

نصيحة 360

الفيلم بـ يُعرض بتقنية IMAX فى "أمريكانا بلازا" فى الشيخ زايد لو بـ تدور على تقنية مشاهدة مختلفة وجديدة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح