The Definitive Guide to Living in the Capital , Cairo , Egypt

Solace

Solace: فن التنبؤ بالجريمة

  • آبي كورنيشأنتوني هوبكنز...
  • دراماغموض وتشويق
  • أفونسو بويانتأفونسو بويانت
تم التقييم بواسطة
Mohamed Hamdy
قيم
قيم الآن
Solace: فن التنبؤ بالجريمة

من أفضل الحاجات اللي أحيانًا بننصح بيها، هي مشاهدة الأفلام من غير ما تتفرج على إعلاناتها، لأن أحيانًا مشاهدة الإعلان بتحرق بعض الأحداث اللي المفروض ما تتحرقش.. علشان كده إحنا حسينا بمتعة مضاعفة وإحنا بنشوف المشاهد الأولى من  Solaceواللي بيحكي عن ظابط شرطة بيمتلك قدرات استثنائية جدًا.

الفيلم من إخراج أفونسو بويارت وبطولة كولن فاريل وجيفري دين مورجان وانتوني هوبكنز وآبي كورنيش، الفيلم بيحكي قصة محقق في الـ FBI بيمتلك قدرة مذهلة على معرفة الماضي والمستقبل بمجرد لمس أي أداة من أدوات الجريمة. بيبدأ المحقق في التعاون مع مجموعة تانية من المحللين للوصول لحل لغز رجل بيقتل مجموعة من الأشخاص وفق ترتيب معين.. جرائم القتل بتطول ناس عندهم أمراض مستعصية وغير قابلة للعلاج، الأمر اللي بيقود رجال الشرطة لمعرفة أن القاتل بيتمتع بنفس القدرة غير العادية اللي عند اللي بيدور عليه!

بعيدًا عن الإثارة والأكشن، الفيلم بيناقش قضية فلسفية مهمة.. هل الأعمال الشريرة في ظاهرها بتكون شريرة في باطنها كمان؟ وهل يملك البشر حق أو سلطة إزهاق أرواح الآخرين لمجرد إصابتهم بأمراض مؤلمة أو ما فيش أمل في علاجها؟ وإيه الحد الفاصل بين الحاضر والماضي والمستقبل.. وأسئلة كتير نعتقد إنها هتفضل في عقلكم حتي بعد مشاهدة الفيلم، وده كان من مميزاته.

أهم ميزة في فيلنا كانت طريقة التصوير المبهرة بالإضافة إلى المونتاج المتميز، ده غير المشاهد اللي بيتم إخراجها بالتصوير البطيء وبتقنية إيقاف الشاشة وغيرها من المؤثرات الخاصة اللي حولت مشاهدة الفيلم لمتعة حقيقية ودمجت الخدع السينمائية بحركة الكاميرا فى مزيج جميل جدًا ومشوق.

الأداء التمثيلي للأبطال كان ضعيف شوية ما عدا أنتوني هوبكنز واللي قدم دور متميز وقوي كعهدنا به دائمًا.. هوبكنز على الرغم من تقدمه في السن لكنه لسه قادر على أداء أي دور يُكلف به، على الرغم من المجهود البدني والذهني في القيام بدور محقق FBI بيشارك فى مشاهد مطاردة وقبض على متهمين.

الرعب والأكشن هم المسيطرين على الأفلام المعروضة في السينما مؤخرًا وSolace  من نوعية الأفلام اللي ممكن كلامنا عنها يكون قليل، لكن محبي النوعية دي من الأفلام هيلاقوه فيلم قوي وجدير بالمشاهدة.

عجبك ؟ جرب

فيلم Next إنتاج 2007.

نصيحة 360

الفيلم كان المفروض يكون الجزء الثاني من فيلم Seven لكن تم رفض الفكرة وإنتاج الفيلم بشكل مستقل.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح