The Definitive Guide to Living in the Capital , Cairo , Egypt

Spy

Spy: السخرية من أفلام التجسس

  • جود لوجيسون ستاثام...
  • حركة ومغامراتكوميدي
  • بول فيجبول فيج
تم التقييم بواسطة
Mohamed Hamdy
قيم
قيم الآن
Spy: السخرية من أفلام التجسس

يا ترى إيه أكثر الأفلام اللى تصلح للسخرية منها وتقليدها بأسلوب كوميدي والتريقة على تفاصيلها؟ بالضبط كده… الأفلام الأكثر جدية والأكثر عقلانية والأكثر اهتمامًا بالتفاصيل… زي أفلام الجاسوسية مثلاً… وده المنطق اللى اتبعه فيلم Spy، شوف أكثر الأفلام إغراقًا في الجدية، وتناولها بسخرية منقطعة النظير.

من إخراج بول فيج وبطولة ميليسا مكارثي وجيسون ستاثام بـ نشوف قصة موظفة في المخابرات كل شغلها هو إرشاد العملاء السريين والجواسيس في مهامهم المختلفة، وعلى الرغم من أهمية شغلها إلا أنها طوال الوقت بـ تشعر بالملل والرغبة في تغيير نمط حياتها، الأمر اللى بـ يقدم لها على طبق من ذهب لما بـ يتعرض العميل اللى بـ تشتغل معاه للقتل في ظروف غامضة، وبـ يتم إرسالها في مهمة لمعرفة مين اللى قتله ومين قادر يعرف كل عملاء المخابرات المشاركين في العمليات… ومن بعدها بـ تتوالى الأحداث.

من الأمور اللى ضايقتنا في الفيلم عدم اهتمامه بالتفاصيل أو المنطق أو حتى اهتمامه بالتحديد فيما يتعلق بالسيناريو والقصة، كل اللى اهتم به صناع الفيلم هو تقديم أكبر جرعة من الكوميديا والمشاهد المضحكة خلال الأحداث ومش مهم أي شىء آخر.

وعلى النقيض من الاهتمام بالقصة والسيناريو، كان الاهتمام بمساحة الكوميديا في أدوار جميع المشاركين من الأمور اللى عجبتنا في الفيلم، والغريب أن مساحة الكوميديا لـ جيسون ستاثام كانت متميزة جدًا وكان معظم الموجودين في قاعة العرض بـ ينتظروا ظهوره ويتفاعلوا مع المشاهد بتاعته، واللى عرفناه بعد كده أن المشهد اللى كان بـ يحكي فيه عن خبراته السابقة بشكل كوميدي ووصفه للعمليات غير المنطقية اللى قام بها كلها مشاهد حقيقية قام بها جيسون في أفلام سابقة له.

ميليسا مكارثي بـ تعتمد في معظم الوقت على تكوينها الجسدي وملامحها لتوليد دفعات من الكوميديا المعتمدة على التناقض بين شكلها وبين وظيفتها، وهو الأمر اللى أثار ضحكنا فى كثير من الأحيان، لكن ما ننكرش أننا شعرنا أحيانًا ببعض الملل خصوصًا في منتصف أحداث الفيلم.

Spy فيلم كوميدي ساخر، بـ يعتمد على السخرية من أفلام الجواسيس وخصوصًا أفلام جيمس بوند.. ترتيبنا له هـ يكون دائمًا في مرتبة متوسطة بين أفلام الكوميديا.

عجبك ؟ جرب

Kingsman: The Secret Service.

نصيحة 360

الفيلم يعتبر التعاون الثالث بين الممثلة ميليسا مكارثي والمخرج بول فيج.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح