The Definitive Guide to Living in the Capital , Cairo , Egypt

أفلام
Stolen

Stolen: اسم على مسمى

  • جوش لوكاسمالين أكريمان...
  • إثارةحركة ومغامرات...
  • سيمون ويستسيمون ويست
  • في1 Cinema
تم التقييم بواسطة
Mohamed Hamdy
قيم
قيم الآن
Stolen: اسم على مسمى
لو عاوز تفتكر أشهر المشاهد للأفلام الأمريكية والعربية زى فيلم المشبوه أو فيلم Con Air مش لازم تنتظر الأفلام دى أنها تتعرض فى التليفزيون أو تضيع وقتك للتحميل من على الإنترنت، خد فيشارك واتفرج على فيلم Stolen وشوف نيكولاس كيدج وهو بـ يحاول يسترجع مجده الزائل.

كيدج واحد من الفنانين اللى كان مجرد ظهور اسمه على الأفيش بـ يعرفنا أننا هـ نشوف فيلم مختلف وأكشن راقى، فاكرين Face off وThe rock وLord of War وغيرها من الأعمال، للأسف بعد فيلم next كيدج فقد بريقه لحساب ممثلين فى نصف قدراته التمثيلية لأسباب لا تزال مجهولة لنا، وفيلم النهارده تجسيد حى على السقوط المريع لفنان… كان رائع.

الفيلم اللى أخرجه سايمون ويست بـ يحكى عن مجرم بـ يقرر ينقذ ابنته المراهقة من عملية اختطاف بعد خروجه من السجن، والفيلم كان ملىء بالمشاهد غير المنطقية واللى فشل المخرج أنه يحولها لمشاهد مقبولة بأى حال من الأحوال.
المزيكا والديكور ما كانوش معبرين عن الأحداث بشكل كبير، وأداء نيكولاس كيدج كان مترهل، ومشاهد كاملة كانت منقولة من فيلم Con Air اللى حقق نجاح كبير فيما مضى.
فكرة الدبدوب الهدية على سبيل المثال تنفع لدغدغة مشاعر المشاهدات المراهقات، لكن عملية التجميل السيئة اللى خضع لها كيدج مؤخرًا، ناهيك عن أن الفكرة منقوشة من فيلم ثانى خلت المشاهد دى ضعيفة ومترهلة، بالإضافة للأكشن غير المنطقى خلت كثير من المشاهدين ينفدوا بجلدهم أثناء الاستراحة وكانت آراء الصامدين للنهاية مش كويسة بخصوص الفيلم.
زى ما قولنا قبل كده لو عاوز تتفرج على فيلم مع فيشار وشوية أكشن هـ يكون الفيلم ده مناسب لك.

عجبك ؟ جرب

Con Air

نصيحة 360

لسه ملاحظين زيادة الأعطال الفنية المصاحبة لعرض الأفلام فى كثير من السينمات رغم فخامتها، زى تأخر عرض الترجمة او حتى تأخر عرض الفيلم بالكامل، نفسنا إدارة الأفلام تهتم بالأعطال بقدر اهتمامها بتحذير المشاهدين من تصوير الأفلام بالموبايل، رغم فضائح أفلامنا اللى بـ تتعرض على الإنترنت فى نفس يوم عرضها فى السينمات!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح