The Definitive Guide to Living in the Capital , Cairo , Egypt

أفلام
الاختطاف (الجزء 2) – Taken 2

Taken 2: العبقرية فى أصغر التفاصيل

  • فامكي جانسنليام نيسون...
  • حركة ومغامراتدراما
  • أوليفر ميجاتونأوليفر ميجاتون
  • في1 Cinema
تم التقييم بواسطة
Mohamed Hamdy
قيم
قيم الآن
Taken 2: العبقرية فى أصغر التفاصيل

الأفلام اللى لها جزء ثانى بـ تنقسم لنوعين: نوع بـ نعتبره القاعدة الأساسية وهو أن الفيلم بـ يكون أوحش من الجزء اللى قبله، حتى لو كان الفيلم بحد ذاته مستواه كويس، والنوع الثانى اللى بـ نعتبره شذوذ عن القاعدة دى أن الفيلم يطلع كويس، زى الأجزاء الثانية من سلسلة “المهمة المستحيلة”
وبعض الأفلام النادرة..
يا ترى Taken بـ ينتمى لأى نوعية من الأفلام دى؟

الحقيقة Taken بـ ينتمى لنوعية الأفلام الكويسة جدًا لو بـ تشوفها بدون ما تعرف أنها جزء ثانى لفيلم، لكن لو أنت من محبى السلسلة كلها هـ تحس أن الجزء ده أقل من الجزء الأول.

الفيلم بـ يبدأ من حيث انتهى الجزء الأول بمشاهد افتتاحية لدفن الضحايا اللى قتلهم “ليم نيسون”
فى الجزء الأول، بـ نسمع فى الخلفية آيات قرآنية وشيخ بـ يقول “آمين” فى نهاية دعاءه، لكن الطريقة نفسها مش طريقة المسلمين فى دفن جثث موتاهم.

بعد كده بـ يتم اختطاف “نيسون”
وزوجته “لينور” (فاميك جونسون)
ومحاولة خطف ابنتهم.. بعد كده بـ تتوالى الأحداث اللى مش عاوزين نحرقها عليكم لكن نحب نقول أن محبى تصرفات “نيسون”
السهلة الممتنعة فى نفس الوقت هـ تلاقوا فى الجزء ده تصرفات جديدة من نفس النوعية لكن مش بنفس الكمية اللى كانت موجودة فى الجزء الأول للأسف، تم تغليب الأكشن على التصرفات الذكية فى الجزء ده.

التصوير كان ذكى قوى وتم الاستفادة بالديكورات الرائعة لأسطنبول بالإضافة لصوت الآذان اللى كان بـ يتردد فى كثير من المشاهد وخلق حالة ألفة بين المشاهد العربى وبين أحداث الفيلم، والكادرات الواسعة والمأخوذة من أماكن عالية كانت ممتازة جدًا.

أكشن “ليم نيسون” ما كانش مقنع قوى، وما عجبناش فكرة البطل الواحد الذى لا يقهر اللى كل الأعداء يضربوا عليه نار لكن ما يحصلوش حاجة وبعدين يضرب طلقة واحدة تقتلهم كلهم، الكلام ده حصل فى الجزء الأول فى الربع الأخير من الفيلم، لكن المرة دى كانت دى الصفة الغالبة على معظم الأكشن فى الفيلم.

الموسيقى كانت جميلة قوى وبشكل عام
المخرج أوليفر ميجاتون استغل إمكانيات الموسيقى
والكاميرات فى خلق صور جميلة جدًا للكادرات
وللمشاهد بصفة عامة، وهى ميزة مش بـ نلاقيها فى كثير من أفلام الأكشن.

باختصار.. لو دى أول مرة تشوف فيلم من سلسلة Taken يبقى الفيلم هـ يعجبك جدًا، لكن لو أنت متابع جيد للسلسلة الفيلم هـ يعجبك لكن مش
بنفس القدر اللى عجبك به الجزء الأول.

عجبك ؟ جرب

Taken – Part 1.

نصيحة 360

تركيا بـ تظهر بشكل قوى على الساحة السينمائية كمكان مثالى لتصوير كثير من أفلام هوليود، لما تحتويه من صور جميلة وأماكن تصوير وتسهيلات من الحكومة التركية.. بـ نحلم باليوم اللى القاهرة تقدم فيه نفس التسهيلات لتصوير أفلام هوليودية هـ تؤثر بشكل ضخم على السياحة فى مصر.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح