The Definitive Guide to Living in the Capital , Cairo , Egypt

Mariah Mundi & the Midas Box

The Adventurer: The Curse of the Midas Box: مغامرة وسحر وخيال

  • أنورين برناردسام نيل...
  • حركة ومغامراتعائلي...
  • جوناثان نيومانجوناثان نيومان
تم التقييم بواسطة
Mohamed Hamdy
قيم
قيم الآن
The Adventurer: The Curse of the Midas Box: مغامرة وسحر وخيال

الحقيقة اللى عاوزين نصارحكم بها.. أننا مش بـ نفضل أفلام المغامرات بشكل كبير! السبب أنها بـ تحاول تجمع بين المغامرة والأكشن والرومانسية وألف حاجة وحاجة ثانية، وفى معظم الحالات بـ تفشل أنها تركز على حالة واحدة طوال الفيلم، وزى أى حد بـ يحاول يحصل على كل شىء، أنه فى النهاية بـ يفشل فى التركيز على أى شىء!

The Curse of the Midas Box اختلف إلى حد ما فى الموضوع ده، وقدر يعيشنا جو من المغامرة والخيال فى شوارع ومدن المملكة المتحدة، على مدار حوالى ساعة ونصف هى عمر الفيلم اللى أخرجه جوناثان نيومان وألفه كريستيان تايلور وماثرو هوفمان.

لكن الاختلاف لم يشفع للفيلم السقوط فى بعض الحاجات اللى بـ تضايقنا فيما يتعلق بأفلام المغامرات، الأفلام اللى بـ تتطلب من المشاهد كثير من “تكبير الدماغ” علشان تعدى الكثير من المواقف غير المنطقية، لكن فى مقابل المغامرة والإثارة المخلوطة إلى حد ما ببعض الرعب، ممكن المشاهد يعجبه الفيلم لو هو أصلاً من محبى النوعية دى من الأفلام.

الموسيقى التصويرية لعبت دور حيوى فى الفيلم، وقدرنا من خلالها أننا نعيش الجو الحقيقى للأحداث، وكانت بـ تتصاعد مع مشاهد الإثارة على طول الفيلم ثم تهدأ من جديد لما الأحداث تكون أهدأ، وده أعطانا بشكل عام انطباع جيد، وزود من قدرتنا على متابعة الفيلم، أما الديكورات فعلى الرغم من أنها بـ تكون من العوامل المهمة فى أفلام المغامرات بشكل عام إلا أننا فى الفيلم ده حسينا أنها ما كانتش بالقوة المطلوبة، على الرغم من تميزها فى بعض المشاهد الثانية، إلا أن مستواها بشكل عام كان أقل مما كنا نتوقع.

The Curse of the Midas Box فيلم مغامرات متوسط الجودة، ممكن تشوفه لو عاوز تقضى بعض الوقت الجيد، أما لو بـ تدور على فيلم احترافى ومتميز بنسبة 100% ننصحك تدور على فيلم ثانى خصوصًا أن الموسم السينمائى الحالى متميز بدرجة كبيرة ومليان أفلام كثيرة تناسب كل المستويات والأذواق.

عجبك ؟ جرب

Taken 2.

نصيحة 360

تكلفت ميزانية الفيلم حوالى 30 مليون دولار. 

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح