The Definitive Guide to Living in the Capital , Cairo , Egypt

أفلام
The Age of Adaline

The Age of Adaline: الحب والخلود

  • إلين بيرستنبليك لايفلي...
  • درامارومانسي...
  • لي تولاند كريجيرلي تولاند كريجير
  • في1 Cinema
تم التقييم بواسطة
Mohamed Hamdy
قيم
قيم الآن
The Age of Adaline: الحب والخلود

توقعاتنا عن الفيلم كفيلم رومانسي بـ يخلط بين الرومانسية والخيال العلمي أو الفانتازيا كبيرة، بالتالي لما جاء الفيلم فى المستوى المتوسط المقبول، شعرنا ببعض خيبة الأمل، مع تسلل الملل لأحداث الفيلم قبل المنتصف بشوية جعل تجربتنا عن الفيلم بالكامل وتقييمنا له أقل من المتوقع.

من إخراج تولاند كريجر وبطولة بلاك ليفلي وهاريسون فورد وكاثى بيكر بـ نشوف قصة رومانسية عن أدالين Adaline واللى بـ تتعرض لحادث بـ يخليها باقية على قيد الحياة للأبد، بمعنى أن سنها توقف عند الثلاثين تقريبًا دون زيادة أو نقصان!

الفكرة قد تكون فانتازية بعض الشىء، وكثير مننا قد يتخيل أن ده ممكن يكون شىء إيجابى أنه لا يتقدم به العمر إطلاقًا، لكن الفيلم بـ يورينا إزاي أن الخلود ممكن يكون لعنة على صاحبه، وإزاي الابتعاد عن الطبيعة العادية المفهومة للكون ممكن يكون مضر مش مفيد.

الأداء التمثيلي للأبطال كان متميز، هاريسون فورد أدى دور ممتاز على الرغم من تقدمه فى السن (73 سنه) وتناغم الأداء مع الموسيقى التصويرية اللى كانت متميزة هي كمان، وإن كنا عاوزينها تزيد شوية في خلفية الأحداث علشان نقدر نحكم عليها بقوة أكثر، أما الديكورات فكانت على الرغم من إيحائها بالدفء إلا أنها كانت محتاجة مزيد من المجهود.

الفيلم شهد اعتذارات كثيرة عن دور البطولة، ناتالي بورتمان رفضت الدور في البداية ثم كاثرين هيجل بعدها واللي أعلنت أنها عاوزة تقضي وقت راحة مع عائلتها، الأمر اللى جعلها ترفض الدور لتفوز به بلاك ليفلي في النهاية.

اليوم عرفنا عن مشاركة ليفلي في فيلم آخر تحت الانتاج هو All I See Is You واللى بـ يحكي عن التطورات اللى بـ تحصل فى علاقة زوجة عمياء بزوجها، خصوصًا بعد استردادها بصرها من جديد.

فيلم The Age of Adaline رومانسى فانتازي، كنا نتوقع أنه يكون أقوى من كده.

عجبك ؟ جرب

The Longest Ride.

نصيحة 360

ميزانية الفيلم وصلت حوالى 30 مليون دولار.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح