The Definitive Guide to Living in the Capital , Cairo , Egypt

أفلام
المنتقمون – The Avengers

The Avengers: اجتماع الأبطال

  • سكارلت جوهانسونصامويل إل جاكسون
  • ثلاثي الأبعادحركة ومغامرات...
  • جوس هيدونجوس هيدون
  • في1 Cinema
تم التقييم بواسطة
Mohamad Adel
قيم
قيم الآن
The Avengers: اجتماع الأبطال

تجمع أشهر أبطال قصص
الكوميكس DC Comics مع بعض في فيلم واحد ممكن يخلينا نبدأ نقلق من أن
الأفلام اللي شفناها قبل كده –من نوعية تجميع أبطال كثير في فيلم واحد– ما يبقاش
على قد المستوى، لكن المشاهدة واحدة هي الفيصل وهـ تحقق المفروض توقعه على الأقل
في الفيلم ده.

مكعب فضائي غامض،
يلاقيه القائد “نيك” فـ يبدأ في التخطيط لمشروع ضخم من خلاله –بدون ما
نعرف المشروع الضخم ده إيه– لكن فجأة يظهر من المكعب ده “لوكي” –أخو أحد
أبطال الكوميكس المشهورين “ثور”– ومهمته هي السيطرة على الأرض لحساب
فضائيين، وطبعًا الانتقام من “ثور”، ده طبعًا بعد الاستيلاء على المكعب
الفضائي الأخضر، هنا ما يبقاش أمام “نيك” غير تجميع كل أبطال القصص
المصورة المشهورين زي Captain America وIron Man وThe Hulk وغيرهم علشان يحاولوا يقضوا على “لوكي”
وأتباعه، وبعد العديد من المغامرات، يتم اكتشاف الغرض من رغبة القائد
“نيك” في استرجاع المكعب الفضائي الأخضر وهو عمل أسلحة دمار شامل من
خلاله، طبعًا يبقى أبطالنا بين نارين وهو محاولة القضاء على “لوكي”،
والتخوف من استغلال البشر لنفس المكعب الفضائي اللي عند “لوكي”، وطبعًا
تستمر الأحداث بدون توقع للنتيجة.

الحقيقة يعيب الفيلم
هو طول مدته الزمنية وتجاوزه للساعتين! خاصة في الجزء الأول منه، وهو محاولة إقناع
أبطال القصص المصورة بضرورة العودة وإنقاذ الأرض، لكن يفضل الجزء الثاني وهو
محاربة “لوكي” وأتباعه من أكثر المشاهد تشويقًا، خاصة دخول الفضائيين
اللي يتبعوا “لوكي” الأرض ومحاولتهم القضاء على البشر.

المميز كمان في الجزء
ده هو الحوار اللي بـ يعبر عن الصراع الداخلي للشخصيات، زي الحوار اللي دار بين
“ثور” و”لوكي”، أو الحوار الدائر بين “لوكي” وهو
محبوس والأرملة السوداء أو “ناتاشا رومانوف”، غير أنه يتميز بالطابع
الكوميدي المحبوب، زي محاولة مواجهة “لوكي” لـ The Hulk في تتابعات نهاية الفيلم، وده يمكن أساسه أن كاتب السيناريو
والمخرج واحد وهو جوس دين.

يفضل الفيلم واقع في
منطقة تجميع لأبطال القصص المصورة، مع الوعد بجزء ثاني، في حالة طبعًا تعرض الأرض
–زي ما هو متوقع– للخطر.

عجبك ؟ جرب

أي فيلم أبطاله هم أنفسهم أبطال أفلام الكوميكس!

نصيحة 360

الفيلم ده سجل رقم قياسي جديد في مبيعات التذاكر، وحصد أكبر مبلغ في افتتاح عطلة نهاية الأسبوع في الولايات المتحدة بتجاوزه أكثر من 200 مليون دولار –تحديدًا 207 مليون دولار- وكان أفضل رقم وصل إليه في الافتتاح زي فيلم Spider Man 3 بمبلغ 151 مليون دولار، وفيلم The Dark Knight بمبلغ 158 مليون دولار، وفيلم Harry Potter And The Deathly Hallows بمبلغ 169 مليون دولار.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح