The Definitive Guide to Living in the Capital , Cairo , Egypt

أفلام
The BFG

The BFG: حكاية العملاق الطيب

  • مارك رايلانس
  • ثلاثي الأبعادحركة ومغامرات...
  • ستيفن سبيلبرجستيفن سبيلبرج
  • في1 Cinema
تم التقييم بواسطة
Mohamed Hamdy
قيم
قيم الآن
The BFG: حكاية العملاق الطيب

لو بنتكلم عن تصنيف الفيلم كفيلم ممتع للأطفال والكبار وبيقدم مغامرة وقصة جميلة لمدة حوالي ساعتين هم عمر الفيلم. في الحالة دي هيكون تصنيفنا للفيلم مرتفع. أما لو فكرنا نصنف الفيلم كواحد من أفلام المخرج  المتميز ستيفن سبيلبرج، وفيلم المفروض يكون فيه العديد من الرسائل على كافة الأصعدة والمستويات، في الحالة دي هيكون تصنيفنا للفيلم منخفض.

فيلم The BFG  من تأليف رولد دال، وإخراج ستيفن سبيلبرج، بنشوف قصة بنت صغيرة بتتربي فى ملجأ للأطفال، وتسليتها الوحيدة كل يوم هي القراءة من كتابها المفضل على ضوء الكشاف بعيدًا عن محاولة المسئولة عن الملجأ إنها تشوفها أو تعاقبها.

حياة بطلة الفيلم (صوفي) كانت رتيبة ومكررة.. مش بنشوف ده بشكل مباشر لكن بنعرف من السياق أن حياتها كانت خالية من المغامرة، وعلى الرغم من إحساسها بالخوف من كل شىء تقريبًا إلا أنه كان عندها طوال الوقت إحساس بالفضول والرغبة في التجربة والأحساس بمتعة الإكتشاف.

في أحد  الأيام بتتعرض صوفي للخطف على يد عملاق، بيصحبها لمنزله اللي بتبدأ صوفي في اكتشافه ومعرفة ملامحه وأبعاده، وبتبدأ في اكتشاف سبب خطفها، كل ده بعد ما بتشعر بالإطمئنان للعملاق العجوز، وبتبدأ تعرف أن أرض العمالقة فيها نوعيات تانية من الرجال العمالقة اللي مش لازم يكونوا ودودين زي الرجل اللي أخدها.

الأداء الصوتي لمارك راليانس وروبي بارنهيل وبيل هادير وربيكا هول كان متميز، وكان واضح أن كل واحد من الممثلين عارف بالضبط أبعاد الشخصية اللي بيأديها، ومشاعرها النفسية وتقلباتها المزاجية، وكان واضح تمامًا أن اهتمامهم بالشخصيات اللي بيأدوها بيتعدى حدود العمل في فيلم تقليدي للأطفال، وكان واضح أنهم عارفين أهمية وشرف العمل مع مخرج بحجم ستيفن سبيلبرج.

بنعيب على الفيلم حالة الملل اللي تسربت لنا في النصف الأول من الأحداث، وإحساسنا إن مافيش جديد ممكن يتقدم وأن القصة ماشيه على وتيرة واحدة من الأحداث، وده تأكدنا منه أكتر لما عرفنا أن سيناريو الفيلم مكتوب من أكتر من 25 سنه وتم تطويره مؤخرًا. كمان عرفنا أن التعاون بين ستيفن سبيلبرج والكاتبة ميليسا ماثيسون يعتبر التعاون الثالث بينهم والأخير لأن ميليسا توفت فى 2015.

التحريك والألوان وباقي عناصر فيلم الأنيميشن كانت متميزة، وده المستوى اللي عودتنا عليه ديزني، وكان واضح تمامًا مستوي وحجم الإنفاق اللي قامت به ديزني كشركة منتجة على فيلم من إخراج سبيلبرج، ودي نقطة تعتبر من نقط قوة الفيلم اللى لازم نتكلم عنها.

The BFG فيلم أنيميشن جميل كلامنا عنه ممكن يكون قليل لكن لو قدرتوا تستحملوا بعض الملل في السيناريو الفيلم إجمالًا هيكون ممتع ومُرشح للمشاهدة.

عجبك ؟ جرب

 The Secret Life Of Animals

نصيحة 360

ستيفن سبيلبرج مخرج الفيلم هو واحد من أشهر المخرجين في هوليوود والعالم أجمع، اشتهر بأعماله اللي بتغطي كل المستويات والأعمار، وهو مخرج واحد من أفضل أفلام الحرب في التاريخ وهو فيلم Saving Private Ryan

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح