The Definitive Guide to Living in the Capital , Cairo , Egypt

The Big Wedding

The big wedding: فيلم زفاف تقليدى

  • أماندا سي فريدديان كيتون...
  • رومانسيكوميدي
  • جاستين زاخامجاستين زاخام
  • في1 Cinema
تم التقييم بواسطة
Mohamed Hamdy
قيم
قيم الآن
The big wedding: فيلم زفاف تقليدى

من ضمن التيمات اللى لا تفشل أبدًا فى هوليوود: تيمة الزفاف وإجراءات الزواج وما إلى ذلك، بـ تحقق نجاح فى العرض الداخلى للسينمات الأمريكية نتيجة إقبال الفتيات على مشاهدة آخر صيحات فساتين الزفاف وخلافه، أما فى العروض الدولية بـ نلاحظ برضه إقبال الفتيات والمراهقات على مشاهدة عادات وتقاليد الزواج فى المجتمع الأمريكى اللى بـ تتحول مع الوقت لعادات وتقاليد مصرية خالصة.

من تأليف وإخراج جاستين زاكهام بـ نشوف فيلم كوميدى عن محاولة زوجين مطلقين خداع العائلة بشأن طلاقهم علشان تعدى حفلة زواج أبنائهم بالتبنى على خير، بـ ينتج عن الخدعة عدد لا يتوقف من المفارقات الكوميدية اللى بـ تأخذنا من المشهد الأول حتى المشهد الأخير، إلا أن الفيلم يظل مصنف تحت خانة أفلام الزفاف التقليدية الهوليوودية.

بـ نشوف روبرت دى نيرو وكاترين هيجل وديان كيتون فى أدوار البطولة، دى نيرو ممثل ممتاز وبـ يقدر يكيف نفسه وفقًا للفئة العمرية اللى بـ يقوم ببطولتها، شوفناه قبل كده قريبًا فى فيلم خيالى عن الظواهر الخارقة للطبيعة هو فيلم Red Lights وبرضه كان قادر على تجسيد الدور للنهاية، يمكن لأسباب زى دى بـ يتم الاستعانة بروبرت دى نيرو لأنه قادر على تجسيد أى دور يُطلب منه، وفى نفس الوقت هو بـ يحب يطلع من جلده كممثل لأدوار الأكشن الثقيلة.

الموسيقى والديكور كانوا أكثر من رائعين، ولولا نمطية الأحداث كان تقييمنا للفيلم هـ يختلف اعتمادًا على تميز الموسيقى والديكور، لكن طوال الوقت حاسين أن عيوننا مرتاحة وأذننا مستمتعة بالأداء الموسيقى المتميز.

فى العادة بـ نحب نتكلم أكثر من كده معاكم عن الأفلام، لكن The big wedding فى الحقيقة ما يستحقش أكثر من اللى قولناه لكم، لو عاوزين فيلم زفاف تقليدى تتفرجوا عليه مع باكيت فيشار فى أجازة آخر الأسبوع يبقى أنتم بـ تقرأوا المقال النقدي المناسب.

عجبك ؟ جرب

Friends with benefits.

نصيحة 360

حصل الفيلم على تقييم 5.2 من أصل 10 نجوم من خلال أصوات حوالى 900 مستخدم لموقع IMDB العالمى، الفيلم مدته 90 دقيقة وتم طرحه باسم آخر هو The wedding.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح