The Definitive Guide to Living in the Capital , Cairo , Egypt

الخادم.. على الرغم من الدور الصغير الهامشي اللى بـ يلعبه، إلا أن شهادته على الأحداث اللى بـ تدور حوله، خصوصًا لما يقضي وقت طويل فى عمله، وقدرته على الوصول للعديد من المناطق السرية والمهمة فى مبنى من أهم المباني فى العالم وهو مبنى البيت الأبيض، كل الأمور دى بـ تخلي وظيفة الخادم واحدة من أهم الوظائف اللى تستحق أنها تتحول لقصة تروى فى السينما، بل وتقدم لنا واحد من أفضل الأفلام اللى نتوقع أنها تنافس بشكل رئيسي على الأوسكار.

فورست ويتكر، الممثل الأمريكى الأسمر الشهير بـ يقدم واحد من أهم وأفضل أدواره على الإطلاق من خلال قصة سيسيل جاينز الخادم بالبيت الأبيض، واللى بـ يعاصر عدد كبير من الرؤساء الأمريكان فى فترة إعادة كتابة تاريخ أكبر وأهم دولة فى العالم، بل وإعادة كتابة خريطة العالم السياسية والجغرافية والاجتماعية بشكل أو بآخر.

ويتكر قدر يتقمص الدور بشكل أكثر من رائع، ساعده على إتقان دوره وإحساسنا بروعة الفيلم، باقي العوامل المساعدة زى الموسيقى التصويرية اللي كانت أكثر من رائعة، والديكورات واختيارات الملابس اللى لعبت دور متميز جدًا فى إدخال المشاهد لقلب الأحداث بداية من المشهد الأول ببراعة منقطعة النظير.

النجاح ينسب بالدرجة الأولى طبعًا للمخرج لي دانيالز اللي قدر يوظف كل العناصر دى علشان يخرج الفيلم بالمستوى الراقي اللي شوفناه فى الشاشة، وقدر يتحكم فى عناصر الفيلم وحتى ظهور المذيعة المتألقة المعتزلة مؤخرًا أوبرا وينفري حتى لو كان فى دور صغير إلا أنه كان له دور كبير مؤثر على مجرى الأحداث.

The Butler واحد من أفضل أفلام الموسم، ننصحكم تدخلوه على اختلاف اهتماماتكم.. هـ يعجبكم.