-
جوديل فيرلاندريتشارد جينكينز...
-
إثارةرعب
-
درو جودارددرو جودارد
-
في1 Cinema
Mohamed Hamdy
المخرج درو جودارد قدم فى الفيلم قصة أشباح تبدو فى البداية انها تقليدية، لمجموعة من الشباب اهمهم كريستين كونولى وأنا هيتشون وكريس هيمثورث وغيرهم ، الشباب دول بـ يتم احتجازهم فى كوخ صغير فى غابه مافيهاش ناس
القصة تبدو تقليدية، ولولا حرصنا على عدم حرق الأحداث كنا قولنالكم إيه الجديد المرة دى ، لكن إحنا عايزينك تروح وتشوف بنفسك ومش عايزين نحرق عليك سهرة جميلة فى الويك إند.
البطل الأساسى قبل الممثلين كان المؤثرات الخاصة والجرافيكس العظيمة، وكنا بـ نتحسر وإحنا بـ نتفرج على مستوى الجرافيكس فى الافلام المصرية، أما عن المؤثرات الصوتية والبصرية؛ بجد مش قادرين نقول لكم مدى انبهارنا بالمستوى اللى وصلت له، واللى زودت ضربات قلبنا لحظات تسارع الموسيقى فى مشاهد الرعب، لكن الإضاءة كانت ليليلة فى كثير من المشاهد كعادة افلام الرعب لما الليل بـ ييجى فيها بسرعة كبيرة.
الديكورات كانت جميله ومتميزة، ونقلت لنا جو الفيلم بدقة وعبرت عن المعانى اللى عايز يوصلها، المكياج كمان كان كويس لكن حسينا بوتيرة من المبالغة فى المشاهد الاخيرة من الفيلم.
لو غاوى أفلام الرعب والدم والقتل .. بـ نوعدك بتجربة قوية ورائعة مع الفيلم ده، أما لو مالكش فى الجو ده..بـ نقولك ماتروحش احسن.