The Definitive Guide to Living in the Capital , Cairo , Egypt

الاتحاد بين أصحاب المال وأهل السياسة بـ يفكرنا ثانى بالحياة السياسية قبل الثورة -أو حتى بعدها- بشكل كبير.
الصراع السياسى بـ يخلى مارتى ينسى زوجته ميتزى (سارة بيكر) وبـ يستغلها المنافس كام بريدى بشكل جنسى لضرب خصمه.. حتى فى الولايات المتحدة الصراع على الكرسى بـ ينسى الإنسان مبادئه وإيمانه بأمور كثير.
مشهد المناظرة السياسية رغم كوميديته، بـ يعيدنا بالذاكرة للمناظرة الرئاسية بين أبو الفتوح وعمرو موسى، وواضح أن رغم اختلاف اللغة والديانة وأمور كثير إلا أن السياسة تفضل نفس اللعبة غير الشريفة وغير المنصفة على الإطلاق.
رغم الكوميدية الشديدة للفيلم إلا أن بعض المشاهد كان فيها تطويل وتكرار، زى مشاهد فتح الباب اللى بـ تواجه مارتى، واستعراض الكلاب الصينية وربطها بالشيوعية فى مشاهد عنصرية ضد الصينيين.
عاوزين كمان نلفت النظر للترجمة السيئة للفيلم اللى خلتنا مجبرين نتابع النص الأصلى للفيلم ونتناسى الترجمة اللى هـ تقتل روح المرح فى الفيلم للناس اللى مش فاهمة اللغة الإنجليزية الأمريكية.
قد يبدو فيلم “الحملة” فيلم كوميدى خفيف إلا أن له مدلولات سياسية قوية، ننصحك تشوفه لو مهتم بالسياسة وألاعيبها.