The Definitive Guide to Living in the Capital , Cairo , Egypt

أفلام
The Cold Light of the Day – المؤامرة

The Cold Light Of The Day: غريب في أرض غريبة

  • بروس ويليسهنري كافيل
  • إثارةحركة ومغامرات
  • مبروك المشريمبروك المشري
  • في1 Cinema
تم التقييم بواسطة
Mohamad Adel
قيم
قيم الآن
The Cold Light Of The Day: غريب في أرض غريبة

إحساس أي شخص بالغربة
في بلد غريبة عنه قاسي، في الوقت نفسه مطالب بتحمل مسئوليات غيره، مش بس علشان
يقدر يعيش، لكن علشان يمنع نفسه –وغيره من الأحباء– أنهم كمان يموتوا!

الإحساس بعدم الأمان
في كل مكان أو مع كل شخص صعب تقدر تعطي له ثقتك بسهولة –وكأن بـ نتكلم عن اللي بـ
يحصل في البلد دلوقتي– وكأن “ويل” ماشي على المثل الشهير “كل خرابة
يطلع له فيها عفريت”، وكان العفريت الأول هو والده “مارتين” اللي
اكتشف وهما في رحلة بأسبانيا أنه مش بـ يشتغل كمستشار للأعمال، لكن أحد عملاء
وكالة المخابرات الأمريكية أو الـ CIA فجأة يُقتل “ويل” بتواطؤ
عميلة ثانية “جين كاراك”، وكل ده بسبب شنطة –ما حدش عارف لحد آخر الفيلم
فيها إيه– ويتخطف عائلة “ويل” في سبيل الشنطة، كمان يكتشف أن له أخت
أسبانية ما حدش يعرف عنها شيء، ويبقى مطارد سواء من البوليس الأسباني أو العميلة
“جين كاراك” أو من العصابة اللي خطفت عائلته، ومطالب أنه يتحمل مسئولية
أفعال والده “مارتين” وينقذ عائلته!

يتبنى الفيلم نظرية
المؤامرة بأن الأوضاع المتوترة بأي بلد سببها تواطؤ من الدول كلها، مع الإشارة بشكل
غير مباشر إلى أن الولايات المتحدة تعتبر السبب الأساسي في كل ده، طبعًا مع عدم
الإدانة الكاملة –خاصة أن العميل “مارتين” السبب في كل ده هو أحد
العملاء الشرفاء زي ما بـ نعرف!-  كمان
الفيلم معتمد اعتماد كلي على هنري كافيل (في دور
“ويل”) مع غياب تام لبروس ويليس (في دور العميل “مارتين”) وده
أفقد شوية من بريق الفيلم، وإن كان أداء سيجورني ويفر (في دور العميلة “جين
كاراك”) أكسب الفيلم المذاق المخضرم في الأداء التمثيلي.

المميز في الفيلم هو سرعة إيقاعه من خلال مونتاج
محكم، وقربه من الواقع في المطاردات ما بين “جين كاراك”
و”ويل”، خاصة وأن الأخير مالوش أي دعوة بالمخابرات أو بألاعيبها، لكن ده
يخلي شوية تفاصيل غائبة عن الفيلم أو بـ يخلينا متعاطفين بشكل ما مع الشخصيات،
كمان

عجبك ؟ جرب

Abduction.

نصيحة 360

الفيلم من إخراج الفرنسي التونسي الأصل مبروك الميشري، واللي بدأ مشواره كمؤلف ومخرج من خلال فيلمه القصير  Mounir And Anitaعام 1998، كمان قدم فيلمه  Generation Cutter، وفي عام 2003 قدم فيلم Combination of circumstances، وفي عام 2005 عاود الكتابة والإخراج لفيلم  Virgil،  أما عام 2007 ما قدرش يمنع نفسه من المشاركة كممثل في فيلمه Gomez And Tavares, following، وحصل في عام 2008 على فرصته الحقيقية لما قدم قصة حياة النجم "فان دام" في فيلمJCVD ، واستعان به كبطل لفيلمه، وده أدى إلى أنه يحقق نجاح مبهر، وقدم بعدها  Murphy's Law واستمر في تقديم العديد من الأعمال التليفزيونية منها المسلسل الشهير whorehouse .

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح