The Definitive Guide to Living in the Capital , Cairo , Egypt

The Dead Room

The Dead Room: فيلم رعب تقليدي بموسيقى تصويرية قوية

تم التقييم بواسطة
Mohamed Hamdy
قيم
قيم الآن
The Dead Room: فيلم رعب تقليدي بموسيقى تصويرية قوية

بنتمنى يجي اليوم اللي نشوف فيه فيلم رعب جديد مبني على شكل جديد، ويكون عند صناعة رغبة حقيقية في تقديم فيلم مختلف فى المجال اللي أصبح محفوظ من كثرة اللي بنشوفه على شاشات هوليوود من أفلام رعب كلها تقريبًا مقتبسة من نفس التيمة، لكن للأسف فيلم The Dead Room اللي هنتكلم عليه اليوم بيعتمد على نفس الشكل التقليدي بدون أي محاولة للتجديد أو إضافة عنصر تشويق جديد.

الفيلم من تأليف وإخراج جايسون ستاتر وبطولة جيد بروفي، جيفري توماس، ولورا بيترسن، بنشوف قصة مجموعة من المتخصصين بتحاول تكتشف الحقيقة وراء أحد البيوت المسكونة، واللي أهله بيتركوه وبيهربوا منه وهم خائفين، التريلر الدعائي للفيلم بيقول أنه مقتبس عن قصة حقيقية، لكن مش بيقول قدر الاقتباس ده، اللي ممكن يكون ما بيتعداش أكتر من 1%، لكن واضح أن دي الحيلة الجديدة اللي بيتبعها صناع أفلام الرعب دلوقتي، وهي إدعاء أن أفلامهم مقتبسة عن قصص حقيقية علشان يجذبوا مشاهدين أكتر.

الأداء التمثيلي للأبطال كان في أضعف حالاته، وطوال الوقت كان عندنا احساس أنهم بيمثلوا وهم عارفين إيه اللي هيحصل، وبالتالي ما كناش بنشوف انطباعات رعب حقيقية على الوجوه، أو تصرفات الأبطال، واللي على الرغم من قلة عددهم  لكن فشل المخرج جايسون ستاتر في السيطرة عليهم أو التحكم السليم فى انفعالاتهم.

الموسيقى التصويرية كانت قوية إلى حد ما، على عكس المؤثرات الخاصة اللي كانت ضعيفة وغير مقنعة بالمرة، وحسينا فيها بتدخل الجرافيك أكتر من مرة، ومستوى الفيلم بشكل عام نقدر نقول أنه أقل من المقبول.

الحاجة الوحيدة اللي تخليك تدخل The Dead room هي أنك تكون من عشاق أفلام الرعب والباحثين عنها بأي حال من الأحوال، مهما كانت جودتها أو اهتمامها بالتفاصيل.. في الحالة دي ممكن يعجبك  الفيلم.

عجبك ؟ جرب

  The Exorcist

نصيحة 360

 وفقًا لصناع الفيلم، الفيلم مبني على أحداث حقيقية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح