The Definitive Guide to Living in the Capital , Cairo , Egypt

The Devil Inside – الشيطان في الداخل

The Devil Inside: صراع الجن والإنس

  • إيفان هيلموثسوزان كرولي...
  • إثارةرعب
  • ويليام برنت بيلويليام برنت بيل
  • في1 Cinema
تم التقييم بواسطة
Mohamad Adel
قيم
قيم الآن
The Devil Inside: صراع الجن والإنس

بعد المشاهدة مش هـ يكون
داخلنا شعور غير احترام التجربة نفسها، مش أكثر ومش أقل من كده.

الاستحواذ الشيطاني
أصبح تيمة مهمة جدًا لأفلام الرعب لتقديم العديد من وجهات النظر، وإن كان أغلبها
بـ يؤكد وجود عالم ثاني “شيطاني” متوازي مع عالم البشر، وفي بعض الأوقات
بـ يختلط العالمين، وده بـ يؤدي للاستحواذ الشيطاني المعروف.

صانعة الأفلام
“إيزابيلا روسي” بـ تحاول تعمل فيلم عن واقعة قديمة حصلت لوالدتها
“ماريا روسي” نتج عنها مقتل قسيسين وراهبة في منزلها، في وقت فيه غموض
في الحادثة دي، خصوصًا أن “الفاتيكان” يطلب علاج “ماريا روسي”
في إيطاليا في مستشفى تابعة لها، وبالتالي تسافر “إيزابيلا روسي” لاكتشاف
حقيقة اللي حصل. طبعًا ده بمساعدة صديقها مدير التصوير وكاهنين هما الأب
“دافيد” والأب “بين” واللي درسوا في مدرسة مهتمة بطرد الأرواح
الشريرة والشيطانية من البشر، طبعًا تحضر “إيزابيلا روسي” أحد جلساتهم
لطرد روح شريرة من بنت، وتحصل أحداث غريبة جدًا وتقرر بعدها أنها هـ تقوم بعمل
جلسة طرد روح شيطانية من والدتها!

مع ملاحظة أنه فيلم
مستقل، واعتماده التام على التصوير بكاميرا صغيرة، الفيلم مدته قصيرة جدًا هي ساعة
وربع، والتكثيف هنا ضروري علشان المشاهد ما يشعرش بملل، لكنه كمان واضح لأن
الأحداث الخاصة بالفيلم مش كثيرة، وحتى الخدع شوفنا كثير منها، خاصة جلسات طرد
الأرواح الشيطانية زي الكلام بلغات مختلفة وتحريك الجسم بشكل ما يقدرش أي عقل
يقبله وغيرها من الحاجات اللي تخلينا نعمل إعادة تذكر لأفلام شفنا زيها كثير قبل
كده ويمكن من أهمهم فيلم The Exorcism Of Emily Rose عام 2005 واللي مبني على قصة حقيقية.

بالتالي الفيلم بـ
يوصلنا لنتيجتين: الأولى هي إعادة معايشة لخدع شفنا منها كثير قبل كده، الثاني
شعورنا بالرعب لفترات وجيزة، لكنها غير كفيلة أننا نضم الفيلم ده لأشهر أفلام
الرعب وأرقاها.

عجبك ؟ جرب

فيلم رعب مستقل زي: The Blair Witch Project. 

نصيحة 360

في جلسة طرد الروح الشريرة لـ "ماريا روسي" كان المفروض الروح الشيطانية بـ تظهر في المشهد، لكن أحد الكاميرات كانت ناحية الجهاز اللي كان بـ يقيس نبضات القلب –بشكل غير مقصود- وكان عليه قراءة ما، وبالتالي مش منطقي شخص مستحوذ من روح شيطانية يكون نبضات قلبه لها قراءة زي قلوبنا كده!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح