The Definitive Guide to Living in the Capital , Cairo , Egypt

The Divergent Series: Allegiant

The Divergent Series: Allegiant: جزء جديد ونقلة أجدد

  • ثيو جيمسزوي كرافيتز...
  • حركة ومغامراتخيال علمي
  • روبرت شوينتكيروبرت شوينتكي
تم التقييم بواسطة
Mohamed Hamdy
قيم
قيم الآن
The Divergent Series: Allegiant: جزء جديد ونقلة أجدد

أول وأهم نصيحة نقدر نقدمها للناس اللى عاوزة تشوف الفيلم ده للمرة الأولى، أنهم لازم يشوفوا الأجزاء اللى فاتت من نفس السلسلة علشان يقدروا يفهموا الجزء الحالي بشكل كويس، لأن للأسف صناع الفيلم فاتهم يقدموا أي تسهيلات على اللى عاوزين يلحقوا قطار المشاهدة الحالي، وأجبروهم على ضرورة الرجوع للأجزاء السابقة من الفيلم لفهم التفاصيل كاملة.

من إخراج روبرت سشينتكي وبطولة شايلين وودلي وثيو جيمس وجيف دانيالز وناعومي واتس بنشوف استكمال للأحداث اللى كانت بدأت فى الجزء الأول، لكن المرة دي بنشوف Twist مهم ومؤثر جدًا فى الأحداث، لما بيكتشف الأبطال أن فيه عالم كامل بيقوم على مراقبتهم والتدخل فى حياتهم وفى القرارات اللى بياخدوها، والعلاقة بينهم وبين رئيس العالم ده بتبدأ قوية ومتينة، لكن مع الوقت -كما هو متوقع- بيبدأوا يكتشفوا أنهم جزء من مؤامرة أكبر بيتم تدبيرها لهم.

كالعادة لسه مش قادرين نحس بانفصال بين الفيلم وأجواء تصويره وبين سلسلة أفلام ثانية لسه منتهية قريب هى The Hunger Games، وواضح أن هوليوود بدأت فى استنساخ قصص نجاح أفلامها علشان تعيد تقديم الروايات الأكثر مبيعًا كأفلام بتتحول هى كمان –ياللعجب- لأفلام أكثر مبيعًا.. بصراحة ده أسلوب سهل للنجاح، وطريقة مضمونة لتنفيض جيوب المشاهدين كل سنة، خاصة مع موضة تقسيم الأفلام لأجزاء، وحتى تقسيم الأجزاء نفسها لأجزاء ثانية أصغر، بس لضمان الاستمرار لأطول عدد سنوات ممكنة!

الأداء التمثيلي للأبطال كان جيد، لكن كل شخصية من الشخصيات لها بُعد واحد فقط بتتصرف على أساسه، يعني الشخص الغضبان بيكون غضبان من البداية للنهاية، والحقير حقير من البداية للنهاية.. الشخصيات فى الفيلم ما كانش لها أبعاد إنسانية متغيرة ومتقلبة زي شخصية أي إنسان حقيقي، لكن يمكن اللى يشفع للموضوع ده فكرة أن الفيلم بيناقش بالأساس تصنيف الأفراد وفقًا لصفحة واحدة غالبة عليه زي الذكاء أو الشجاعة أو النُبل.. إلخ.

الموسيقى التصويرية ما كانش لها تأثير كبير على الأحداث، وما حسيناش بوجودها على العكس من المؤثرات الخاصة اللى كانت قوية ومؤثرة وواضح فيها الاهتمام بالتفاصيل وزيادة المصاريف الإنتاجية الخاصة بها، ويكفي مشاهدات مطاردة الطائرات ومشاهد المعارك بشكل عام، كلها أمور كان واضح فيها الاهتمام بالتفاصيل والخدع السينمائية.

كلامنا عنThe Divergent Series  بينتهي بشكل مؤقت لحين طرح جزء جديد من السلسلة اللى بتكتسب كل يوم جمهور جديد وأرض جديدة.

عجبك ؟ جرب

الأجزاء السابقة من نفس السلسلة.

نصيحة 360

تم تقسيم الفيلم على جزئين، أولهم تقرر عرضه في 2016 والثاني في 2017.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح