The Definitive Guide to Living in the Capital , Cairo , Egypt

فى الواقع، إحنا بـ نفضل الأفلام اللى بـ يقوم ببطولتها مجموعة من النجوم، بـ نحس طوال الوقت أن البطولة لما بـ تكون جماعية بـ تحفز النجوم على تقديم أحسن ما عندهم، على العكس من الأفلام العربية اللى بـ يتنافس فيها النجوم الكبار على حجم اسمهم على التتر وصورتهم على الأفيش، لكن فيلم The Equalizer يعتبر من أفلام البطل الواحد أو النجم الواحد اللى بـ يحرص فيها كتاب السيناريو والمخرجين على إظهار البطل كشخص لا يقهر وفيه كل المميزات. وعلى الرغم من كونه من نوعية الأفلام اللى مش بـ نفضلها، لكن الفيلم قدر يقدم جرعة متميزة من الأكشن والدراما.

من تأليف ريتشارد وينكو إخراج أنطوان فوكوا وبطولة دينزل واشنطن وكلوي جريس بـ نشوف قصة رجل عمليات خاصة سابق بـ يحاول يعيش حياة جديدة آمنة بعيدًا عن المخاطر، بـ يجد نفسه متورط فى مشكلات قوية مع مجموعة من العصابات اللي ما تعرفش الرحمة بسبب تورطه لمساعدة امرأة بريئة. الأمر اللى بـ يقوده لعدد كبير من الصدامات بـ نشوفها على مدار أحداث الفيلم اللى بـ يمتد لحوالى ساعة ونصف.

القصة قد تكون مكررة، وسبق وشوفناها فى أفلام زي Shoot ‘Em Up (2007) أو Desperadoاللى بـ تدور حول فكرة الإنسانة البريئةاللى بـ تقع تحت ضغط عصابات عديمة الرحمة، الأحداث فى اتجاه الصدام بين البطل وبين الأشرار اللى بـ ينتهى الفيلم بوقوعهم فى شر أعمالهم غالبًا.

على الرغم من تكرار القصة، إلا أن إعادة تقديم التيمة بشكل جديد أمر نجح فيه المخرج والقائمين على العمل بشكل عام، وده أمر يحسب لهم.

الموهبة التمثيلية لدينزل واشنطن فى رأينا من الأمور اللي لا تعوض، ويكفى أن النجم الهوليوودي اللى سنه اقترب من 61 سنة قدر يقنعنا بأداؤه لمشاهد الأكشن كأفضل فناني الأكشن فى هوليوود وأصغرهم سنًا، وده أمر مش غريب على بطل أفلام زي Flight أو Inside Man وغيرها من الأفلام اللى لا تنسى.

الموسيقى التصويرية كانت كويسة، لكن كانت فى بعض المشاهد والمقطوعات أقل من توقعاتنا، الأمر اللى خفض من تقييمنا للفيلم وشعرنا أنها كانت محتاجة اهتمام أكبر، خصوصًا أننا ركزنا فى بعض المقاطع ولقينا أن الموسيقى فعلاً كانت كويسة، ومش عارفين ليه مستواها أصبح أسوأ بعد كده.

على العكس من الموسيقى، الديكورات كانت متميزة وعكست الجو العام للفيلم بشكل متميز ويحسب للقائمين على الفيلم اهتمامهم بتفاصيل الديكور الصغيرة اللى فرقت معانا كمشاهدين.

The Equalizerقد لا يكون أفضل فيلم أكشن ممكن تشوفه، لكنه يظل فيلم يستحق المشاهدة والاهتمام.