The Definitive Guide to Living in the Capital , Cairo , Egypt

The Faith of Anna Waters

The Faith of Anna Waters: من كل بستان مرعب… زهرة

  • إليزابيث رايسباملين كي...
  • رعب
  • كلفن تونجكلفن تونج
  • في1 Cinema
تم التقييم بواسطة
Mohamed Hamdy
قيم
قيم الآن
The Faith of Anna Waters: من كل بستان مرعب… زهرة

من كثر عرض أفلام رعب مختلفة، ومشاهدتنا لها أصبحنا قادرين على تصنيفها لفئات محددة، ومعرفة التيمات اللى بـ يشتغل عليها كل فيلم بدون مجهود كبير، على سبيل المثال مؤخرًا شوفنا أفلام كثير بـ تتكلم عن فكرة الأطفال الممسوسة بكيانات شيطانية شريرة بـ تستغلهم للسيطرة على العالم أو إيذاء البشر وخلافه.

فى السبعينيات تم إنتاج فيلم سينمائى مشهور هو The Exorcist واللى كان بـ يطرح فكرة الوجود الشيطاني المضاد للدين، واللى بـ يثير ظهوره علامات شيطانية بـ تحمل صفات الإهانة لرموز دينية زي الصليب على سبيل المثال، الفكرة وراءThe Faith of Anna Waters  أنه بـ يحاول يقطف من كل بستان مرعب زهرة، ويقدم لنا توليفة سينمائية مرعبة على مدار حوالى ساعتين.

من تأليف وإخراج كلفن تونج وبطولة ماثيو سيتل وإليزابيث رايس وباملين شين بـ نشوف قصة صحفية بـ تحاول تحقق فى ظروف وأحداث موت شقيقتها، الأمر اللى بـ يدخلها فى سلسلة لا تنتهي من التحقيقات والأحداث المرعبة، واللى بـ تتفاوت أفكارها بين فكرة الطفل المستحوذ عليه شيطانيًا، وفكرة الشيطان اللى بـ يرسل إشارات وعلامات لاقتراب الساعة، وغيرها من الأفكار والتيمات المرعبة.

المؤثرات الخاصة فى الفيلم كانت ضعيفة ومستهلكة، وكثير من المشاهد حسينا فيها بنكهة أفلام الرعب الشهيرة، بداية من مشهد ضرب وسحل البنت الصغيرة، أو حتى مشاهد الألعاب اللى بـ تنط لوحدها، كلها مشاهد كانت بـ تترك بداخلنا حنين لأفلام رعب قديمة، وكان ظاهر تأثر المخرج والمؤلف تمامًا بالأعمال دي.

الموسيقى التصويرية هي كمان كانت متوسطة الجودة، لكنها قدرت تؤدي غرضها المطلوب منها وهو عزف سيمفونية الرعب بالتناغم مع المشاهد الصادمة اللى بـ تظهر على الشاشة، لكن الفيلم كله ينتمي لمنطقة الرعب القائم على المفاجأة على الشاشة مع مؤثرات الصوت والصورة، وهو نوع رعب إحنا مش بـ نحبذه بشكل قوي.

The Faith of Anna Waters فيلم مستهلك بـ يحاول يقطف من كل بستان مرعب… زهرة.

عجبك ؟ جرب

The Exorcist.

نصيحة 360

الفيلم يعتبر إنتاج سنغافوري أمريكي مشترك.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح