The Definitive Guide to Living in the Capital , Cairo , Egypt

The Finest Hours

The Finest Hours: أحلى الساعات… أحلى الأفلام

  • إريك بانابن فوستر...
  • إثارةثلاثي الأبعاد...
  • كرايج جيلسبايكرايج جيلسباي
تم التقييم بواسطة
Mohamed Hamdy
قيم
قيم الآن
The Finest Hours: أحلى الساعات… أحلى الأفلام

أحلى الساعات هى الساعات اللى بـ نقضيها فى مشاهدة أفلام قوية وجيدة زي The Finest Hours.. مش عارفين ليه الفيلم ساب جوانا تأثير جميل.. يمكن لظروف الجو اللى كان مايل للدفء على العكس من السائد الأيام دي.. وطبيعة الفيلم اللى بـ تناقش ظروف مناخية صعبة.. الأمر اللى خلانا نحس بالدفء الزيادة فى أماكننا.. ومن هنا بـ ييجي لنا شعور أننا بـ نسقط مخاوفنا الشخصية من البرد على الشاشة.. وبـ نعيش لحظات من الدفء الزايد المختلط بالانتعاش… الموضوع كبير يا جماعة.

من إخراج كريج جيلييبسى وبطولة إيريك بانا وبن فوستر وكيللي جالنر بـ نشوف قصة غرق سفينتين ضخمتين فى عرض المياة الأمريكية فى واحد من أسوأ الظروف المناخية والجوية اللى مرت بالولايات المتحدة، فى ظل كل الظروف دي بـ يضطر فرد فى غفر السواحل أنه يتطوع بقيادة فريق من البحارة والميكانيكية، وأنهم يخوضوا البحر فى مغامرة غير محسوبة لإنقاذ طاقم أحدى السفينتين الغارقتين.

الفيلم بـ ينقسم لأقسام واضحة ونقدر نفصل بينها بسهولة، بـ يبدأ بمشاهد افتتاحية لقصة حب بـ تجمع بين رجل غفر السواحل وبين جميلة الفيلم هوليداي جرينجر، وفى نفس الوقت بـ تختلط مشاهد العلاقة بينهم بمشاهد غرق السفينة وحيرة البحارة اللى عليها ومحاولتهم البقاء على قيد الحياة لأطول فترة ممكنة.. فى نفس الوقت بـ نشوف قصة الحب وهى بـ تتطور ثم بـ تصطدم بضرورة اتجاه الحبيب للبحر لأداء عمله.. وبـ تستمر الأحداث اللى مش عاوزين نحرقها عليكم.

الحقيقة أن الفيلم نجح فى توصيل المطلوب منه بالضبط فى كل مشهد من الفيلم، الجزء الرومانسى كان رومانسى لحد وجع القلب.. وجزء الأكشن كان كله حركة لحد حبس النفس مع كل مشهد وكل موجة.. الموسيقى كمان لعبت دور مهم ورئيسي فى الأحداث، والمؤثرات الخاصة ظهر دورها بشكل متميز وغير تقليدي.

العيب الوحيد اللى كان فى الفيلم هو عرضه بتقنية 3D اللى مش عارفين إيه لازمتها فى الفيلم غير أنها تزود ثمن التذكرة، والحقيقة الفيلم كان هـ يكون أفضل لو كان بالأبعاد الطبيعية وما كانش أي حاجة هـ تفرق معانا.

The Finest Hours فيلم مغامراتي رومانسى ما يتفوتش.. الحقوه فى السينمات خصوصًا فى الجو ده!

عجبك ؟ جرب

The 33.

نصيحة 360

الفيلم مقتبس عن أحداث حقيقية. 

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح