The Definitive Guide to Living in the Capital , Cairo , Egypt

The Forest

The Forest: فيلم رعب غير مرعب!

  • أوين ماكينستيفن فوت...
  • رعب
  • جيسون زاداجيسون زادا
  • في1 Cinema
تم التقييم بواسطة
Mohamed Hamdy
قيم
قيم الآن
The Forest: فيلم رعب غير مرعب!

عارفين إيه أكثر حاجة مزعلانا وحارقة دمنا بخصوص The Forest؟ أنه كان ممكن يكون فيلم متميز، وكان ممكن يقدم مجموعة من الأحداث اللى تنشف الدم فى العروق فعلًا، خاصة أنه معتمد على مكان حقيقي وله تاريخ مظلم ومثير للخوف حتى لحظة كتابة السطور دي، لكن المخرج جيسون زادا أصر على أنه يهبط بالفيلم لمستنقع من الملل والتكرار وعدم الرعب.. لحد ما اضطرينا نعطيه نجمة واحدة! ويستحق أقل من نجمة!

من بطولة ناتالي دورمر وأوين ماكين بـ نشوف قصة سيدة شابة بـ تضطر للذهاب فى رحلة كلها مخاطر لجزيرة اسمها "جزيرة الانتحار" للبحث عن شقيقاتها التوأم، الأمر اللى بـ يدخلها فى سلسلة من الأحداث -المفروض- أنها مرعبة ومخيفة إلى أقصى درجة، لكن الصراحه الرعب كان آخر شعور ممكن يسيطر علينا أمام سطحية الأحداث وضعف الأداء التمثيلي!

يمكن الشىء الوحيد المفيد اللى عرفناه من الفيلم هى أن غابة الانتحار مكان حقيقي بالفعل، غابة فى اليابان مساحتها حوالى 35 كيلو متر مربع، وبـ تدور حولها قصص مرعبة كثيرة عن حوادث انتحار بـ تحصل فيها طوال الوقت، الأمر اللى جعل السلطات اليابانية تعمل دوريات لمنع حالات الانتحار اللى وصلت لأكثر من 500 شخص!

نرجع للفيلم.. الأداء التمثيلي كان ضعيف جدًا ومفتعل وملىء بالمبالغات.. وده كان نتيجة مباشرة من وجهة نظرنا للسيناريو الضعيف والقابل للتوقع واللى تقريبًا كنا عارفين تفاصيل كل مشهد قادم فى زمن الفيلم، وده بالتأكيد إن دل على شىء يدل على ضعف الإخراج وعدم قدرة المخرج على التملك من أدواته، وعرفنا بالصدفة أن ده أصلاً الفيلم الأول له.. يعني كلامنا فيه ما يؤيده على أرض الواقع!

على الرغم من محاولة الموسيقى التصويرية والمؤثرات الخاصة تعويض النقص فى باقى عناصر الفيلم، إلا أن المحاولة هى كمان كانت ضعيفة وغير موفقة، لكن لو هـ يتم إجبارنا على اختيار أفضل عنصر فى الفيلم.. هـ نختار المؤثرات الخاصة مش علشان هى كويسة، علشان هى أفضل الوحشين بس!

كلامنا عن The Forest قليل لأن الفيلم ما يستحقش أكثر من اللى قولناه.. لكن ننصحكم بالبحث أكثر عن غابة الانتحار، ونتعشم يتم إنتاج عمل محترم وقوي يناقش الغابة اليابانية الأكثر غموضًا ورعبًا.

عجبك ؟ جرب

Annabelle.

نصيحة 360

الفيلم مقتبس من مجموعة من الأحداث الحقيقية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح