The Definitive Guide to Living in the Capital , Cairo , Egypt

The Gift

The Gift: فيلم قوي أفسده التطويل

  • أليسون تولمانجول إدجارتون...
  • إثارةدراما
  • جول إدجارتونجول إدجارتون
  • في1 Cinema
تم التقييم بواسطة
Mohamed Hamdy
قيم
قيم الآن
The Gift: فيلم قوي أفسده التطويل

للأسف بداية من الإعلان عن فيلم The Gift وكان عندنا توقعات رائعة جدًا بخصوصه، خاصة أنه بـ ينتمي لمساحة من أفلام الرعب ما عادش بـ يتم الاهتمام بها في الفترة الأخيرة على حساب أفلام الرعب التقليدية.. ليه بـ نقول للأسف في بداية كلامنا؟! علشان الفيلم في رأينا كان ممكن يكون أقوى من كده.. الحبكة متميزة وقُدمت بشكل رائع قبل كده في كثير من الأفلام زي Cape Fear في نسخته الأولى في الستينيات ونسخته الثانية في 1991 وكان ممكن يُعاد تقديمها من جديد في The Gift بأسلوب أقوى وبحبكة أفضل.

المخرج والمؤلف جويل إجيرتون بـ يحكي في The Gift عن رجل بـ يعاني بعض المشاكل مع زوجته، وبـ يحاول يحلها، عندها بـ يظهر رجل غامض في حياة الأسرة اللى مصيرها مهدد بالخطر، صديق قديم من المدرسة الثانوية بـ يحول حياة الأسرة إلى جحيم على الرغم من وده الزائد، إلا أنه نوع من أنواع الود بـ يتحول لأزمة ومشكلة مع الوقت لما بـ يفشل الزوج في إبعاد الصديق القديم عن حياة الأسرة.

البطولة كانت من نصيب جيسون باتيمان في دور سيمون.. الزوج اللى بـ يحاول يتخلص من عبء الصديق غريب الأطوار جوردو واللي قام بدوره جول أدجرتون واللي قدم أداء قوي لكن كان ممكن يكون أقوى.. ونظرات عينيه في مشاهد الصراع في آخر الفيلم كانت بـ تدل على أن الفنان ده كان يقدر يقدم أقوى من كده لو كان الإخراج أفضل.

ريبيكا هول في دور الزوجة روبيان كان قوي وقدرت تلخص لنا مشاعر الزوجة المصدومة في اكتشاف حقائق جديدة عن زوجها من خلال الصديق، لكن السيناريو ما سابش لها مساحة أكبر لإظهار مشاعر أكثر من الانبهار والصدمة والاندهاش.

الموسيقى التصويرية ما حسيناش بها على الإطلاق وكان ممكن تكون أقوى، الديكورات كمان ما كانتش بالقوة اللى كنا نتوقعها، بشكل عام مستوى الفيلم كله كان ممكن يكون أقوى و"أفخم" وكان ممكن ينافس على جوائز لو كان تم تصميمه والاهتمام به بشكل أقوى وأفضل من اللى شوفناه على الشاشة.

في النهاية The Gift فيلم إثارة وتشويق مع لمسة من الرعب.. ننصحكم بمشاهدته في الويك إند أو انتظار عرضه في الفضائيات.

عجبك ؟ جرب

Cape Fear.

نصيحة 360

الفيلم له اسم ثاني هو (Weirdo) وهـ تفهموا من أحداث الفيلم ليه تم اختيار الاسم ده.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح